8 arinishka apushitaywanmi, Desarrollo Económico Minkarishkakuna kay Ley Orgánica de Solidaridad Nacional kamachiy rurana killkata, Llakta pushak kullkimanta utkashpa rurana nishpa chayachishkata allichishpa shukniki rimanakuypak llamkaywillayta arinirkakuna.
Rimanakuy paktarikukpika, Minkarishkata pushak, Valentina Centeno kamachi killkak, kallaripi chayachishka killkamanta imalla allichishkatami riksichirka, kay mushukyaykunaka: manu kullkimanta shinallatak wanachinamantami rikunka.
Manu kullkimantaka, llaktapi kasiklla kawsanapak llamkak wasikuna paykunapak impuesto a la renta manu kullkita 30 % patsakkama karachunmi rikuchin, SRI rikurashka, kayshina yuyaytaka llamkaywasikunata pushakkuna allimi nishkami. Shinallatak wakllirinalla ayllukunata yanapanapak yanapaypak pakalla kanata rikuchin shinallatak llakichiypi wakllichishka llaktakunapi kullkillamkayta wiñachinapak rikuchin.
Wanachina rikuypika, shuk tantarishpa llakichikman kimirishka kakpika 22 watamanta 26 watakama churanka shinallatak pushakkakpi nakashpa kullkiwan yanapak kakpika 30 watakaman churanka. Ashtawanka, llakta ukupi llakichikkuna wakllichikpika shuk chikanyashpa wanachina sakirin, ñawinchiyna pachakunata 90 punchakunaman mirachin shinallatak yachaka kamakkuna riksinapak churan.
Shinallatak, kallaripi wichkanaka chikanyashka paktaymi kanka, 48 pachakuna wichkanapak rantimi kanka. Shinallatak kallaripi churashka medidas cautelares paktay kallaripi wichkana shinallatak grilletes churachinatami chapakkunapak awkakunapak kay llakta ukupi llakichiymanta ñawinchiypi tiyashka anchuchinka. Llamkaywillayka rikuchinmi, llaktata chapiakkunata ñawpanchishpa kishpichinatami rikuchin.
Kamachiy rurana killkapika kamak arinishka killka illaklla wasiman yaykurinata rikuchin, UAFE tantanakuypak llamkay chayllatak sakirin, shutikunatapash "Tantanakushpa illapa charikkuna" shinallatak "llakichinapak kullki" shutikunata kimichin, kay Código Orgánico de la Función Judicial kamachiy mushukyachinawanka chikanyashka kamakkuna llamkanatami sinchiyachin.
Puchikaypika, "kasiklla kuskakuna" killkata anchuchin, llaktapi kasiklla kawsakta rikukkuna paktanapak sakirin.
Chaskishka llamkaywillayka llaktayukkunapak, tantanakuykunapak, yachakkunapak shinallatak tawka wankuri llamka kamachi killkakunapak yuyaykunatami tantachishka, shinami shuklla yuyayta charik killkata allichishka kayshina llaktapi kasiklla kawsanata shinallatak kullkillamkaytapash shinchiyachinapak.
MEV/cg-k
Ashtawan Shuykuna:
