Kay 2025-2027 wata llamkaypak ishkayniki rimanakuypi, kay chillay 28 puncha aymuray killa 2025 wata, Derecho a la Salud y Deporte Minkarishkakuna, Juan Reyes Baquerizo kamachi killkak pushakuy, tawka kamachiy rurana killkatami riksishpa mayhanta kallaripi llamkanapak akllarka.
Riksishka kipaka, kallaripi killkashkapi kimirishpa, Minkarishkakunaka kamachiy ruranapak chayachishka killkakkuna rikunapak yallishka pachapi tiyakuktami riksinka, kay yuyaykunapi: Ecuador llaktapi cáncer unkuyta harkanapak chimpapuranapakpash; pukllay samaypash; llaktapi hampinamanta willayta sinchiyachina shinallatak munay chimpapurashakta harkana; kay Ley Orgánica de Donación y Trasplantes de Órganos, Tejidos y Células kamachiyta mushukyachina; shinallatak diabetes unkuy charik ayllukunata ukllanapak yanapanapakpash mushukyachina.
Shinallatak, Mamallakta Tantanakuypak killkakamayukpi Ley Orgánica de Salud e Higiene Menstrual kamachiy rurana killka ishkayniki rimanakuypak tiyakun nirka.
Shuktak kamachiy rurana killkakuna, kay desfibriladores externos automáticos portátiles charinata mashkakuk killka; kay neuroprotección y aplicación ética de las neurotecnologías killka; shinallatak salud renal y neuro-nefroprevención killkapash, ishkayniki rimanakuypak llamkaywillayta allichikun. Shukniki rimanakuypakka Ecuador llaktapi reproducción humana asistida kamachiy rurana killka; catastróficas, raras o huérfanas unkunkuyta rikuk; fibromialgia unkushkata ukllanapak, shuktak kamachiy rurana killkatapash ruranapak kallaripi churarka.
Minkarishkata pushak, Juan Reyes, hampirina alli kachun ruraykunaka allimanmi yanapanka nirka. Ashtawanka, riksichik killkakunata rikunaman shinallatak yuyaykunata killkashpa riksichinamanmi kayachirka.
Paymanta, Andrés Guschmer kamachi killkak nirkami pukllayta rikuk kamachiy rurana killkaka shukllapi tantachishkami, Annabella Azin nirkami, ñawpakman purinapakka, tawka yuyaykunata tantachina shinallatak shuklla kamuta allichina, kayshina llamkayta alliman pushanapak, nirka.
Victoria Desintonio kamachi killkakka ayllukuna pakta kawsayman chayachun kamachiyta allichina may allimi kan kayshina llaktapi hampinata sinchiyachinapak, kamachiykunata unkuykunata shukyanchishpa rikunapak mana alli kan. Shinallatka Unidad Técnica Legislativa tantanakuyta taripanapak mañarka kaypi imashina llamkaykuna paktakushka shinallatak pachakunapash paktakushka wakinpi yallikushkatapash riksichichun.
Chayllapitak, Santiago Diaz kamachi killkak, tukuypimi yanapashun shiallatak yuyaykunatapash chayachishun nirkami. Tukuy killkakunata kimichichun mañarka shinallatak Consejo de Administración Legislativa wankuriy akllashka kamachiy ruranapak killkata kallaripi riksina nirka.
Puchukaypika, Minkarishkata kipapushak, Diana Blacio, hampinata kallaripi churashpa rikuna kan shinallatak kayushina yuyaykuna tiyakpi shukllapi tantachina, kayshina ashtawan alli llamkayta charinapak, nirkami.
RSA/cg-k
