Istallaktamanta llakichik tantarishkata chimpapuranapak istallaktapura makipuray paktanapak, Mamallakta Tantanakuy, 82 ari apushitaywanmi ishkayniki rimanakuypi, Mamakamachiypak 5 niki killkata chawpi mushukyachinata rimanakurka.
Kay mushukyachinaka istallaktamanta awkakuna tiyarinapak shinallatak llaktapi kasikayta kutincharinapak makipuraywan, yachayta chimpanchiwan shinallatak antanikichikta chimpanchiwanpash, kayshina Ecuador llaktapi ruraykunata sinchiyachinkapak.
Rimanakuypika, llamkaywillayta riksichik, Nataly Morillo, mushukyachiyta arinishkawanka, "Mamallaktaka istallaktakunapi tantanakushka llakichikta, umachinkachiy mintalakta, pakalla chuki llukshichikta, runata mintalakta, pakalla illapata katukta shinallatak tukuy llakichiktapash chimpapuranapakmi, kayshinami wasi ayllukunapak kawsaypi ancha llakichiy tiyan chayta chimpapuranapakmi", nirka.
Kay yuyaykunaka chawpi yalli kamachi killkakkuna arinishkami, paykunaka "llakichik awkakunata" chimpapuranami nirkami, wakllichinapak illapakunayuk, hunu hunu llamkaykullkiyuk shinallatak hatun tinkirishpa llamkakkunami nirka. Kay mushukyachiyka kamay paktanata mana wakllichinchu, 90% patsak wañuykunaka umachinkachiyman kimirishkami shinallatak yuyachirkami, Base de Manta yanapaypika, umachinkachik cocaína katihapishka 498% mirarka, nirkami.
Paymantaka, Nuria Buriñá kamachi killkakka mamakamachiy mushukyachinaka pushakkukkuna llaktay munashkaman paskarishpa sakirin kayshina ñukanchik llaktata shinallaktak awkakunata wakllirinallapi churan, nirkami.
Mamakamachiy mushukyachinapak rimanakuytaka Llakta pushak, Daniel Noboa Azín, 17 puncha wayru killa, 2024 watapi chayachishka kamachiypi kimirishpa, Corte Constitucional killkashkapi shinallatak Comisión Especializada Ocasional minkarishkapi allichishka llamkaywillaypi kimirishpa paktarirkakuna.
Mamakamachiypak 442 niki killkata katishpa, mushukyay arinishka kipaka, 45 punchakuna ukupimi referéndum llaktayuk taripayman kayachinka. Arininapakka tukuykuna apushitashka chawpimanta shukllapash yalliwanmi arininka. Kanchis punchakuna ukupimi, Consejo Nacional Electorial willachichun arininka.
AM/cg.k
Ashtawan Shuyukuna:
