Mamallakta Tantanakuypi, 78 ari apushitaywan, Niels Olsen pushakta karuyachinapak mañashkata, kay 008 niki rimanakuypi mana arinirkakuna, kay mañaytaka Henry Bósquez kamachi killkak mañay chayachishkata rikuy ukupi, kaypika Mamallakta Tantanakuypak n.º 1027 niki rimanakuypi yuyarinakushkata anchuchinapak, kay yuyarinakuyka 13 puncha aymuray killa 2025 watapi paktarishkami, kaypimi Consejo de la Judicatura (CJ) tantanakuyman rimarichun kimsa runapak shutikunata Mamallakta Tantanakuy chayachichun yuyarirkakuna.
Bósquez kamachi killkak mañashkamanta apushitay yuyaykunata tantachishka kipa, kamachi killkakak kutinpash rikunapak apushitayman mañarka, kay Ley Orgánica de la Función Legislativa (LOFL) kamachiypak 146 niki killka rikuchishkata katishpa, kaypika ninmi mayhan kamachi killkak, yuyaykunata riksishka chay kipallatak, kutinpash rikunapak mañay chayachiy ushan, nin.
Chaymantami, Fernando Cedeño kamachi killkakka pushak chikanyachun mañayta chayachirka, payka apushitay paktashka kipami mañashkata paktachirka.
Cedeño kamachi killkaka nirkami Mamallakta Tantanakuyta pushakka kay mañashkata apushitayta kutinpash rikunapak mañashpaka kamachiyta wakllichishka, mañashka yuyay kashkamanta shinaka puncha llamkay mushukyachina mañaylla mana kanchu, nirka.
Kamachi killkak Niels Olsen, rimarishpaka imashina paktashkata riksichirka, kay LOFL kamachiypak 146 niki killkapi kimirishpa paktashkamanta, pushakukka kutinpas apushitanapak mañayta mana harkay usharinchu, Mamallakta Tantanakuypak tukuy llamkaykunapi. Chaypakka, Killkakamayuktami kay niki killkata imalla rikuchishkata tukuy riksichichun mañarka.
Niels Olsen kamachi killkak rimay puchukashka kipaka, minkashpa pushakuk, Mishel Mancheno, apushitayman kayachirka. Yupaykunata tantachishpa riksichishka kipaka, 62 ari, 78 mana shinallatak ishkay mana apushitashkawan, Olsen kamachi killkakka kay rimanakuyta pushanaman tikrarka, llamkayta pushashpa katirka.
EG/cg-k
Ashtawan shuyukuna:
