Kay Derarrollo Económico, Productivo y la Microempresa Minkarishka, kaypi llamkak 10 ari apushitaywan arinin, shinaka Ley Orgánica de Solidaridad Nacional Kamachiy rurana killkata ishkayniki rimanakuyman chayachinkapak, Llakta pushak, Daniel Noboa, kullkimanta utkashpa rurana nishpa chayachishka.
Kay kamachiypika ukllana, karkana shinallatak llakichishka kuskakunapi ayllukunata yanapanapakmi churashka, shinallatak ashnakkunata pakalla mintalakpi wanachinata mirachina, shuktakpika rehabilitación social pushayta allichinami churashka kan.
Shinaka, kamachiy rurana killkaka llakta ukuman atirinakuypi wakllirishka ayllukunata ukllanapak shinallatak utkashpa yanapanapak ruraykunata churashka, Mamakamachiy shinallatak Derecho Internacional Humanitario rikuchishkata paktashpa, wakllirishka ayllukuna pakta kamay yanapayman chayachun, shinaka llakitukushkamanta alliyanapak, chikanyashka llaktayta paktankapak shinallatak sumaychashka kankapakpash.
Chayshinallatak, ishkayniki rimanakuypak allichishka killkapika hidrocarburíferos llamkaypi wakllichikpi wanachiytami 22 watamanta 26 watakama wichkanapak churashka kan shinallatak kamakkuna wanachiyta paktachinamantaka, prisión preventiva kamayta ama achkata paktarishpa llakichichun nakashpa, kayshina, wanachinapak ashata paskashkamanta tukuy paskashkamanta ima rikurishkata mana katishpa.
Ashtawanka, kay killkapika awkakunata shinallatak chapakkunatapash taripashpa chuyayachinapak ruraykunata churashka, llakta ukupi atirinakuy katikukpika, kayshina llaktata ukllakkuna paykunapak llamkaypi pakta alli katichun rurachunpash yuyaywan.
Ñawpashpa kishpichinapika, Minkarishkakunaka shukllanchishpa chispichinapak rikuna nin, kayshinata chapakkunata shinallatak awkakunatapash prisión preventiva, wasipi wichkana nakashpaka wanachi taripay paktakuk pachapi grilletes churanata ama paktarichun, ashtawan kay tantarishka llakichikkuna chimpapurashkapi rikurikpi
Valentina Centeno, Minkarishkata pushak, tukuy kaypi llamkakkunatami llamkaywillay allichinapak yanapashkamanta, tawka yuyaykunata kimichishkamanta shinallatak Minkarishkapi tawka llaktaymanta yuyaykuna paktarishkamanta ruraykunata tantachishkamanta.
EG/cg-k
Ashtawan Shuyukuna:
