Mamallakta Tantanakuyka, 125 ari apushitaywanmi, kay Ley Orgánica Electoral y de Organizaciones Políticas de la República del Ecuador kamachiy, Código de la Democracia nishpa riksishka kamu mushukyachina killkata ishkayniki rimanakuypi arinirkakuna, kaypika 22 yuyaykunatami kari warmi paktakanapak, achiklla paktarinkapak, tawka ayllukunapura shutipi akllarinkapak shinallatak llaktayukkunapash pakta chayanapak, shuktak yuyaykunatapashmi allichin.
Kay Código de la Democracia kamachiyka tawka ruraykunapi paktarishkami, llaktayukkuna chaypikashpa, kay puchukay 4 watatami llamkashpa allichirkakuna. Kay pachakunapika, kamachiy rurana killkaka pushak akllaypi rikukkuna, tawka wankurikunamanta kamachi killkakkuna shinallatak llaktayukkunamantapashmi yuyaykunata chayachirka, kayshina llamkaywanka llaktayuk chaypi kanatami sinchiyichin shinallatal pushakkuna akllanapash achikyan.
Rosa Torres kamachi killkak, Justicia y Estructura del Estado Minkarishkata pushak, apushitanapak puchukay killkapi imalla yuyaykuna allichishkata riksichirka, shinaka kallaripi kimichishka 93, 267 niki killkatami anchuchirkakuna, shinaka kunanpi paktarikushka shinallatakmi sakirin. Kimichishpa nirkapashmi kamachiy allichinapak chayachishkakunata tantachin.
Kay kamachiy allichinapak killkapika ishkayniki rimanakuypi chayachishka yuyaykunapashmi tantarin, kaypika kari warmi pakta pakta kanapak shinallatak Consejo Nacional Electoral y del Tribunal Contencioso Electoral tantanakuyman warmikuna akllarinata ama wakllichichun.
Kamachiypika wamrakuna shinallatak Ecuador llakta ayllukuna ista llaktapi kawsakkuna kimirichun ashtawan hañikunata mirachin, Mamakamachiypi rikuchishka shina. Pushakkuna akllanapak kullki tukuchinata, akllarinapak runakuna mashka kullki churanata shinallatak llaktay wankurikuna riksirinatapash achikyachin.
Kamachiy rurana killkaka pushakkuna akllanapak kullkita yalli churakpi wanachinata, warmikunata wakllichikpi huchachinata shinallatak llaktaywankurikuna pakta kawsashpa katinapak mashna apushitay paktanatami achikyachin.
Arinishka kipaka, shamuk llamkana punchakuna ukupimi, Llakta pushakman chayachishka kanka, kaypi arinichun mana kashkapaka allichinaman kachachun.
Ashtawan Shuyukuna:
