Kay Consejo de Administración Legislativa (CAL) wankuriy No. 007 niki rimanakuypi, kamachiy rukuchishkata sumaychashpami, Andrés Castillo kamachi killkak imamanta Mireya Pazmiño kamachi killkakta huchachishkata uyarkakuna.
Kay ñawinchiy paktariypika, Castillo kamachi killkakka imalla huchachinapak tiyashkata, ashtawanka red social X llikapankapi ishkay willaykunata kay 12 puncha raymi killa 2025 watapi, El Universo shinallatak OnlyPanas pankakunapi willachishkatami chayachirka, kaypikaPazmiño kamachi killkak willashkatami riksichin, "fascista" kanki nishka nin.
Shuktakmantaka, Pazmiño nirkami, tukuy rikuchiykunata chayachishka kipaka, Castillo kamachi killkak riksichikushkatami chimpapurarkani, kaypika "wamrakunata yuyakkunata shina huchachina nishkamanta" kunanpi paktarikuk Ley Orgánica de Integridad Pública kamachiy rurana killkamanta rimashpa.
"facista mañay chayachishkawanka kasiklla kawsanata rikunchik nishpami wawakunata pakalla chapanaman chayachishkashina paktarin ashtawanpash llaktaywan shinallatak kullkillakaywan ayllukuna yanay anchuchishkami kan", nirkami.
Ñawirinapak riksichiy pachakuna ukupika, Castillo kamachi killkakka huchachishka warmika mana pakta chimpapuray riksichiyta mana chayachirkachu, chaymantami CAL wankuriytaka tukuy riksichishkapi kimirishpa ancha llaki huchachishka, rimashpa wakllichishkami, chaymata 30 punchakunata llamkaykullki illaklla sakirinapak wanachiyta churana, nirka.
Puchukaypika, huchachishka warmika Castillo kamachi killka mañay chayachikushkamanta rimashkata paktami riksichirkani nirka. ""Shuk yuyarinapak killkata facista nishpa shutichinaka sinchi kay ushan, shinapash nimamanta runa aylluta rimashka mana kanchu", nirkami.
Kay rikuychayachiy pacha paktashka kipak, CAL wankuriymi Ley Orgánica de la Función Legislativa kamachiy rikuchishkata paktachishpa shuk yuyarinakushka killkata chayachinka riksichinkapash.
Kamachiy rurana killkata akllashka.
Shuktakpika, CAL wankuriyka Código Civil kamachiy mushukyachinatami akllarka kaypika wasi ayllu charishakta ukllanapakmi mañan, kaytaka Justicia Minkarishkami allichinka. Shuktakpika Código de Trabajo kamachiy mushukyachinami Derecho del Trabajo Minkarishkaman chayanka; shinallatak, puchukaypika, Ley Orgánica Contra la Trata de Personas kamachi killkataka Relaciones Internacionales Minkarishkapi riksishpa allichishka kanka.
CV/cg-k
