Mamallakta Tantanakuyka, kay chillay 2 puncha sitwa killami, kay Ley Orgánica para el Fortalecimiento de las Áreas Protegidas kamachiy rurana killkata shukniki rimanakuypi riksirka, Llakta pushakmi kullkimanta utkashpa rurana nishpa chayachirka, kawanka pacha kawsayta wiñaypak charishpa katinatami mashkakun, shinallatak charishkakuna allichinkapak ashtawankarin Ecuador llakta charishkata pakalla llukshichinatami harkanka.
Valentina Centeno, Desarrollo Económico Minkarishkata pushak shinallatak kay llamkaywillayta riksichikka, kay kamachiy rurana killkaka kimsa hatun yuyaytami charin nirka: ukllashka kushka llakta allpapi charishkata allichina; pacha sachata chapakkunata ukllana; shinallatak sachakunata llakimanta yuyarikuna llukshichikushkata, chukita pakalla surkukushkata shinallatak tinkichik llamkaykunatapash harkana.
Ecuador llaktapak charinata ukllanami kan, ñukanchik llaktaka tukuy allpapachapika shuk kilómetro allpallapi yallintak chikan chikan kawsayta charikmi, shinapash kayshukmantaka kay llaktapimi kawsaypash ashtawan chinkarinalla rikurin. "Kay llakta kunanpi kawsakukshina kay 2045 watakamaka 25% patsak yurakunatami chinkachinka", nirkami. Shinallatak rikuchirkami kay kamachiy rurana killkapika Runa Ayllu llaktakunata shinallatak Kawsaymarkakuna pachakawsaymanta kallaripi, kacharishpa, pakta willaywan taripay rurana hayñita sumaychanmi, nirkami.
Rimanakuypika, 20 kamachi killkakunami rimarirka, shinallatak shuk millkakillkata kimichinapak mañarka kaypika geoparques wiñachinata rikuchun mañarka, shinallatak kay Sistema Nacional de Áreas Protegidas llika shukllapak llamkaywasishina wiñarina alli kashka mana kashkata kutinpash riksinaman kayachirka. Shinallatak, kay Impuesto al Valor Agregado (IVA) manu kullkita 12 punchakunallata ashayachinapak harkayta anchuchinata rimanakurkakuna, kayshina llakta riksinata shinallatak llaktakuna kullkillamkapi wiñarichun nirka.
Kamachiy rurana killkaka Llakta pushakmanmi kay Servicio Nacional de Áreas Protegidas (SNAP EP) wankuriyta shukllapak llamkaywasitashina wiñachichun ushay chayachin, kaypika: kay wankurimi llaktapi pushakkuna rikuchishka llaktaykunata paktachichun riksichinka, llamkaykatichinka shinallatak makipurachinka; shinallatak Código Orgánico del Ambiente kamachiy rikuchishkata kay Wankuriyka paktachun rikuranka; shinallatak kay Wankuriypak llamkaykullkitapash paktanapak yanapayta chayanka, shuktak llamkaykunatapash rikuchin.
Shinallatak, SNAP pushay paktanapakka shuk fideicomiso llaktapak wiñachina, kaypika llaktamanta shinallatak istallaktamanta karashkata tantachichun; kullkika mañashka kullkimanta chayamunka; shinallatak SNAP wankuriymanta llamkaykunapi wacharishka kullkimantapash.
Shukniki rimanakuy wichkarishka kipak, Mamallakta Tantanakuyta pushak, Niels Olsen runaka, kay kamachiy rurana killka kutinpash Desarrollo Económico, Productivo y la Microempresa Minkarishkaman tikrachun mañarka, kaypi tukuy yuyay chayachishkata tantachichun shinallatak ishkayniki rimanakuypak llamkaywillayta allichichunpash.
EG/cg-k
Ashtawan shuyukuna:
