49.6% patsakmi Mamallakta Tantanakuypak llamkayta arinin shinallatak llamkanapak churashka kamachiy rurana killkakunapash 50 kamukunami churashka.
Mamallakta Tantanakuyta pushak, Niels Olsen, kay chillay punchami Kamachiy Awlli llamkana rikichik killkata chayachirka, kay killkami shamuk ishkay watapi kay llamkaywasi mayta paktarina ñanta riksichin. Ashtawanka llamkayta makipurashpa, kimirishpa shinallatak pushanata yanapak llamkaykillkata wiñachinata kallaripi churashpa; Olsen pushakka 50 kamachiy rurana killkatami wankurimanta kamachi killkakkuna, Revolución Ciudadana wankurimanta, shinallatak shuktak wankurikunamantapash chayachishka nirkami.
Tukuy chayachishka kamachiy ruranapak killkapika, Acción Democrática Nacional wankurimanta 21, Revolución Ciudadana wankurimanta 16, Pachakutik wankurimanta 5, Partido Social Cristiano wankurimanta 1; shinallatak tukuy wankurikuna mutsurishka kamachiy rurana killkakunaka 7 kamumi yaykushka: ley de la Función Legislativa kamachiy mushukyachina, Código Orgánico Integral Penal, Código Orgánico de la Función Judicial shinallatak Código Orgánico de Organización Territorial kamachiy mushukyachina.
Mamallakta Tantanakuyta pushakpakka llaktayukkunapak llakikunata a llichinapak kakpika tukuy kamachiy rurana killkami alli kan, nirka. Kay 50 kamachi killkakuna ruranamantaka kallaripi llamkanapak churashkami, 5 kasiklla kawsayta rikuk, 15 llakta wiñarinapak, 11 kullki llamkay sinchiyanapak, 4 wasichinata, pachamamata charishkata shinallatak pacha kawsayta rikuk shinallatak kay kamachiy rurana killkakunaka llakta pakta alli llamkayta paktachunmi yanapan; llaktay ñawinchiy paktanapakpash.
Mamallakta Tantanakuy llamkanapak riksichik killkata chayachiypi, shinalaltak 6 hunkayta sinchi llamkay puchukashka kipa, Mamallakta Tantanakuyka paypak llamkay imashina katikushkatapash rimarka, kay llamkaywasi ñawpa wakllirishka kashkamanta kunanka kutinpash alli llamkay kashkata riksichikunchik nirka. Kay IMASEN.SA llamkaywasimi lanu yupaypi paktashpa kay raymi killapi, Ecuador llakta ayllukunaka (49,6) mushuk Mamallakta Tantanakuypak llamkayta arinin.
Pushakpak yuyaypika tukuy llamkaymi; wasipi alli tukuy pakta kanapi llamkakun (kamachi killkakkuna llamkay chayachun shinallatak utka chayamuchunpash); kamachiykuna allichinapash utkarishpa paktachun arininapak (6 hunkaypi 6 kamachiyta arinishkanchik) shinallatak; shamuk pachapi alli paktay charinata shinallatak alli pushaywan paktarinata yuyashpa llamkakunchik nirkami.
"Sinchitami wasita pakta churakunchik. Ecuador llaktayukkuna mutsushka kamachiyta allichinapak ñami alli kanchik. Kay Mamallakta Tantanakuyka chikanmi kan, kikinkuna mutsushka yuyaykunata kutichinka, kuyuchikmi kanchik, mana harkashunchu" kashnami Mamallakta Tantanakuyta pushak, nirka.
