Kay 013 niki rimanakuypi, Consejo de Administración Legislativa (CAL) wankurika Gonzalo Albán runa, kay Consejo de Participación Ciudadana y Control Social (CPCCS) tantanakuypi rimarikta ñawinchinapam ñashkata riksirka, kay mañaytaka Keevin Gallardo kamachi killkakmi chayachirka.
Kay mañaytaka kay CPCCS tantanakuyta pushak kamachiypak 21 niki, 8 yupay kamachiy rikuchishkata mana paktashka nishpa huchachishkami, kaypika kay llamkayman yaykunapak ñawpa pichka watata shuk llaktay wankuriman kimirishka, killkarishka mana kana nishkata mana paktashka nin.
Kay mañayka kanchis ari apushitaywan paktarishkaka Unidad Técnica Legislativa (UTL) wankuriymi, 3 punchata mana yallishpa, kay llay ñawinchiy kallarinapak tukuy mutsurishkata paktashkata shuk llamkaywillaypi chayachinka, kashnami Ley Orgánica de la Función Legislativa (LOFL) kamachiypak 80 niki killka rikuchin.
Ashtawanka, Justicia y Estructura del Estado Minkarishka, LOFL kamachiy mushukyachinata, shinallatak Código Orgánico Integral Penal (COIP) kamachiyta ishkay mushukyachianta llamkachun arinirka. Chaykamaka, shuk kamachiy rurana killkapi kawsaytarpuy riksinata Desarrollo Económico Minkarishka riksinkakuna; shinallatak shuktaka Mamallakta Yachanapi llamkaykullkimanata yachanata kimichinapak, kaytaka Educación Minkarishkakuna llamkankakuna.
Shinallatak Ley Orgánica de Transporte Terrestre y Seguridad Vial kamachiy mushukyachinapak mañashkata shukllapi churankakuna, kay mañaytaka Carmen Tiupul kamachi killkak chayachirka, Gobiernos Autónomos Minkarishka llamkachun chayachirka, shinallatak kay kamachiyllamantatak Desarrollo Económico Minkarishkapi allichirikun, kayshina mañaykuna ñawpakman katichun.
CV/cg-k
