Chaypikak 146 kamachi killkakuna arinishkawanmi, Mamallakta Tantanakuyka kay wanra pucha "Llamkaywasita sumaychanamanta shinallatak Mamallakta Tantanakuypak paktakay llamkaymanta" shuk yuyarinakushka killkata arinirkakuna, kay killkawanmi Joseph Santiago Díaz Asque kamachi killkakkta huchachishkata millarinkuna, kay runataka shuk warmi wamrarakta kikinkaypi llakichishka nishpa huchachishka kan.
Yuyarinakushka killkaka, pakta rimanakushka arinishka, yuyaytami sakin, awka kashkata riksirishpapish, huchachishkapika llaktayukkuna shitariytami kallarichishka shinallatak Mamallakta Tantanakuypak shutitapashmi wakllichishka, ninmi.
Arinishka killkaka kari warmi kamachi killkakpak sumaychay kawsaytami kutinpash riksichin shinallatak Mamallakta Tantanakuypak llamkaypi paktarina kashkatapash kayachin, kayshina alli kawsakta, llaktaypi paktarinata, hayñi sumaychanata, yanapay munayta shinallatak tukuy llamkaykunapi pakta alli kanatami kayachin, nin.
Shinaka, Joseph Santiago Díaz Asque kamachi killkakta paypak munaymanta llamkaymanta anchurinapak mañay chayachichun kayachirkakuna, kayshina wanachinapak taripay pakta achiklla paktarichun, kamakkuna llamkaywan chayachun shinallatak Mamallakta Tantanakuypak llamkaypash llaktayukman achiklla riksirichun, nirkami.
Shinallatak, kamakkunata shinallatak chapakkunatapash pakta, achiklla, yuyaysapa shinallatak runakunapak kawsay hayñita rikurashpa llamkachunmi kayachirka, kayshina wakllishka ayllupak shinallatak huchachishkatapash pakta ñawirichun sumaychana nirka.
Rimanakuypika, riksichik, Mishel Mancheno kamachi killkakka, Mamallakta Tantanakuyka kikinmanta sumaychayta shinallatak llaktay paktanatapash chimpapuray kawsaypimi kan. "Wankurimanta munaylla mana kanchu, ashtawanpash Kamachiy Awllipak llamkaywan paktarishkami". Nirkapashmi, Kamana ruraykunata mana pakana kanchu shinallatak kamachi killkakkuna llaktaypi, mamallaktata sumaychashpa llamkanaman kayachirka.
Blaco Luna kamachi killkak nirkami llaktayukkunaka Mamallakta Tantanakuy achiklla ruraypaktariktami shuyakun. Puncha llamkay mushukyachun mañayka achiklla paktarina munay charishkamantami kan shinallatak kikinkaypi wakllichishka huchachiyi tiyanmi mana ñawinchishka kashkachu nin. "Ñawinchiyka tukuykunapakmi kan kan" nirkami.
Shinallatak, Paola Jaramillo kamachi killkakka nirkami, "Kamachiy hawapika mana pikuna kana kanchu" shinallatak Diaz kamachi killkakta kunantak llamkaymanta anchurichun mañarka, ancha llakichishka nishpa huchachishkami. "Kunkaytaka maymanta shamukpipash mana harkashunchu", nirkami.
Paymanktaka, Lucia Pozo kamachi killkakka, Mamallakta Tantanakuy tukuypi paktarichun sumaychachunpash mañan. "Shuk riksishka llamkaywasitami hapishkanchik, shinapash ñawpaman llakipi rikurishka", nirkami, pushakpak yuyayman kimirin, paypak yuyaypika, Mamallakta Tantanakuyta sumaychanapak kayachin.
Puchukaypika, Andrés Castillo sinchita rimarka "ishkay yuyay mana kana kan" wakin llaktaypi kimirishka ayllukunaka llaki yuyayta charin kunanpi mancharishka kashpapash, ñawpaka ayllupak kikin kawsayta llakichikta kinkarirka kishpichirkakunapash. "Pakta yuyaywan sumaychana, chushaklla rimaypi mana pakatukushpa" nirkami.
MEV/cg-k
