Mamallakta Tantanakuy rimanakuypi, 80 ari apushitaywan, Llakta pushak chayachishka Ley Orgánica Reformatoria al Código de Trabajo para Dignificar el Trabajo del Hogar kamachiyta allichinapak rikuchishkata tukuymi hapirkakuna. Kamachiy rurana killkataka Llakta pushakmanmi chayachinkakuna, rikuchun arinichunpash.
Kay kamachyka, wasi ukupi llamkakkunatami ukllan shinallatak llamkashkpa katichunpash yanapan shinalaltak Ecuador llaktayukpi pakta yanapak kashkata riksirin, Kay kamachiytaka Mamallakta Tantanakuymi 28 puncha ayriwa killa 2025 wata arinishka karka. Kay kamachiywanka 2015 watamanta paktarikuk kamachiytami sinchiyachinka, paykunapak llamkaypi hayñita wakllichina rikurikpi huchachinkapak.
Mamallakta Tantanakuyka Derecho de los Trabajadores Minkarishkakuna paykunapak llamkaywillaypi riksichishpa rikuchishkatami arinirka shinallatak Llakta pushak kay kamachiypak 5 niki killka shinallatak Disposición General Única y las Disposiciones Transitorias Tercera y Cuarta millka killkatapash tukuy hapirkakuna.
Chayshinallatak, kay llamkaywillaypika Corte Constitucional tantanakuy Dictamen No. 4-25-OP/25 killkata, kay 26 puncha raymi killa 2025 wata riksichishkatami achikyachin, kaypika paktachinapak rikuchishka killkakunaka mamakamachiywan waktarikun nirkami, shinallatak mamakamachiywan mana waktarishka rikurishkamantami arinishka kashka.
Christopher Jaramillo kamachi killkakka wasipi llamkakkunapak llamkayka ishkaymanta sinchimi kashka nin: paykunapak hayñimanta shinallatak imashina paktachinamantapash. Chaymantami -nirka- kay atiriyka pakta hayñiwan chimpapuraymi kan.
Kay llamkayka Ecuador llaktapak Producto Interno Bruto yupaypak 10-9% patskami, yupaypika 300 yalli ayllukunami kayshina llamkaypi kimirishkakuna, ashtawanka warmikunami, wakikunaka mana chanishkami llamkankuna. Ashtawan nirkapashmi, llamkayta charikkunapakka, kamay paktayka ashtawan llakimi: 2024 watapimim wasipi llamkak 200 warmikunaka, chawpi yallimi paykunapak hayñi paktanapak yuyarinakushka killkata mana charirka. Kayshukkunaka hayñikuna illakllami llamkashpa kawsankuna, yanapayta, samana pachata, kamaytapash mana charinchu.
Jaramillo imalla llakikuna tiyashkatami riksichirka. Rikuchirkami kay kallaripi killkashkapika killkashpa yuyarinakushkapi shuk kutinpash yanapana rikuchishkata churashka nin, kaymi pantachin shinallatak shimiwanlla rimashkatapash wakllichin, kayshina llamkakkunapak kawsaypi tiyan. Allichinapak kachashkata arninaka, hayñi paktachinata alli katinami kan.
Rikunaman chayanamanta, kay Código de Trabajo kamachiyka Ministerio de Trabajo Llamkay wasimanmi llamkana wasipi chayashpa rikunaman rinapak minkan. Kayshina paktanapak shuktakta wiñachinaka llamkakkunata mirachina shinallatak pantachinallami rikurin, nirkami.
Shinallatak, shuk paktachinapak churashka killkawanka Ministerio de Trabajo llamkana wasitami, 180 punchakuna ukupi, llamkaywpi wakllirinata riksinapak shuk llikata churachun mañarka, mana kullki, imashina ruranata, shinallatak mayhan llamkaywasiman kimichinata mana riksichishpa mañarka, Kayka, nirkami, wakllirinalla llamkaymi karka. Chaymantami, paktanapak rikuchishka killkata anchuchirkanchik, chaypakka Ministerio de Trabajo llamkaywasipimi tukuy riksishkata ushaytapash charin, nirka.
RSA/cg-k
