Kay Justicia y Estructura del Estado Minkarishkakunaka, kay awkarin 22 puncha sitwa killami, kay Ley de Inquilinato kamachiy mushukyachina killakta riksirkakuna, kay mañaytaka Ana María Raffo kamachiy killkak shinallatak Ángel Sinmaleza ñawpa kamachi killkakmi chayachirka. Minkarishkata pushak, Rosa Alegría Torres kamachi killkakka, Killkakamayuktami kay killkakunata riksichichun mañarka, ayllukuna shinallatak tantanakuykunapash kay kamachiyta rikushpa yuyaykunata chayachichun kayachirka.
Chaymantami, Consejo de Administración Legislativa (CAL) wankurishkakuna yuyarinakushka killkata riksichirka, kaypika Ley de Inquilinato kamachiy mushukyachinapak ishka kamukunata akllarkakuna shinallatak Justicia Minkarishkaman llamkachun chayachirka. Kipaka, pusak ari apushitaywan, ishkantik kamu killkata llamkanapi kallarinapak arinirkakuna.
Shinallatak, kamachi awlli wankurishkakunaka Ley Orgánica de la Contraloría General del Estado kamachiy mushukyachinapak 10 kamu killkatami chimpapurashpa llamkanapak riksirkakuna kay kamukunaka shukllapi tantachishka kanka. Shinallatak, kay kamachiypi mushukyachinapak mañashka yuyaykunaka ñami chawpi yalli kay Ley Orgánica de Integridad Pública kamachiypi churashka kashka, ashtawankarin kay Contraloría paktarinakunapi.
Minkarishkata pushakka kay kamu killkakunata pakta shukyanchishpa riksichun shinallatak kay kamachiypak yuyaywan paktarichishun nirkami, kay Ley Orgánica de Integridad Pública kamachiypi imalla yuyaykuna tiyashkata riksinkapak shinallatak kunanpi mañashkatawan paktarichinkapakpash, nirka.
EG/cg-k
