Mamallakta Tantanakuy ukupi shuk rimanakuywanmi, Día del Sistema Nacional de Áreas Protegidas y el Día Mundial del Guardaparque punchata yuyarirkakuna, Mamallakta Tantanakuyta pushak, Niels Olsen kamachi killkakka, Ministerio del Ambiente, Agua y Transición Ecológica (MAATE) tantanakuymanta Guardaparque Honorífico unanchata chaskirka, kayshina riksirishkataka Ley Orgánica para el Fortalecimiento de Áreas Protegidas kamachiyta, sitwa killa 2025 watapi arinishkamanta, kay kamachiyka patrimonio natural del Ecuador charishkata riksirishkami nirka.
Kayshina riksirishka unanchataka Valentina Centeno, Desarrollo Económico Minkarishkata pushakmanpash chayachirka, María Luisa Cruz, ministra del MAATE tantanakuymanta, shinallatak Damián Ponce, kay Reserva Ecológica El Ángel tantanakuy pushakkunami chayachirka.
"Charishpa katinaka tukuykuna paktarinami. Mamallakta Tantanakuyka pachamamata charishpa katinapakmi kamachiyta rurana kan shinallatak ashtawan watakunapi tiyachunmi kamachiyna kan, chaypakka kayshina ukllashka allpakunata rikushpa katichunkuna", kashnami Niels Olsen kay yanchata chaskishpaka nirka.
Kutinpashmi nirka kay kamachiykunaka riksin shinallatak sichiyachinami guardaparques runakunapak llamkayta chaypakka yachanaman, llamkayta charishpa katinaman shinallatak llaktapi tiyashkata ñawpakman churanamanmi kayachin, llaktapak llamkaywasi ukupi rikurashpa shinallatak kamachiyta chayachishpa pakta rurayta paktarishpapash.
Nirkapashmi kay kamachiyka mana pakta yuyaykunata washaman sakin shinallatak ñukanchikpak llakta charishkatami ukllan. "Kikinkuna", nirka, chayamuk ayllukunata rikurashpa, "pachamama charishakta rikurakkuna kankichik".
Shinallatak paymantaka, ministra del Ambiente, María Luisa Cruz, kayshina raymikunaka kawsayta, pachamama charishkata, yakuta shinallatak kay llaktapi kawsak runa ayllukunatami ukllan, nirka.
Kay Ley de Áreas Protegidas shukniki kamachiyta arinishkata rimashpaka, kunanpika 79 llakta allpakunami ukllashka shinallatak charishpa katinapak tiyan, tukuymantaka 26 hunu hectáreas tupu allpami kan, shinaka, tukuy mamallaktapak allpamantaka 19,47 % patsakmi kan.
Iliana Solórzano, Refugio de Vida Silvestre Pacoche tantanakuyta pushak, nirkami kay ukllashka allpakuna punchanta sisayashpa richun mañarka shinallatak guardaparques runakunapak llamkaytapash riksirirka paykunami sachakunata, mamallakta charishka pachamamanta kawsaytapash chapan nirka. Charishpa katinaka tukuykuna makipuranami shinallatak kayshina llamkaymanta kawsayta chayachikkuantapash yuyarirka.
Kay raymika, Mamallakta Tantanakuypak José Mejía Lequerica wasi ukupimi paktarirka, kaypika 10 guardaparques runakunamanpash unanchata chayachirka, shinallatak “Declaratoria del Refugio de Vida Silvestre Machay” yuyaypaktarishka killkatapash ministra del MAATE, María Luisa Cruz pushakmanta arinirkakuna.
Kayshina unanchakunataka pachamamanta pushakkunaman shinallatak mamallaktapi guardaparques chapakkunaman chayachirka: Fernando Morcillo, Iliana Solórzano, Luis Borbor, Yury Cedeño, Oscar Peralta, Anderson Velasco, Tanya Villalba, Ibette Vera, Damián Ponces shinallatak Luis Velasteguí.
RSA/cg-k
Ashtawan shuyukuna:
