Kay Soberanía, Integración y Seguridad Integral Minkarishkapi allichishka llamkaywillayta katishpa, Mamallakta Tantanakuyka kay Ley Orgánica para el Fortalecimiento de la Ciberseguridad kamachiy rurana killkata shinallatak Ley Orgánica de Transformación Digital y Audiovisual kamachiy mushukyachinata shukniki rimanakuypi riksirkakuna.
"Ecuador llaktaka kay suyullaktapi kimsanikipimi ciberataques llakikunata chaskishka rikurin shinaka 200, 600 hunu dólar kullkikunami chinkarishka", kashanami Inés Alarcón, kay llamkaywillayta riksichikka nirka, ciberseguridad paktanapakka kay llakpi shuk kamachiyta charinami mutsurin nirkami.
Shinallatak willarkami, Ecuador llaktapika 33% patsakmi ciberataques llakichiy tiyashka kayshina llakikunaka llaktapak llamkaywasikunapimi rikurishka, kullkita mashkashpa, chaymantami kay kamachiyka, antanikichikkuna maypi tiyashkata riksishpaka, llaktayukkunapak kawsayta ukllak hayñikunata sumaychankapak kallaripi churanka.
Alarcón nirkami kay Ministerio de Telecomunicaciones (Mintel) llamkaywasimi ciberseguridad ukllayta tukuy llaktapi churanapak minkarinka shinallatak llaktapak llamkaywasikuna imashina paktarinata rikunkakuna shinallatak willaykunatapash pakalla charinka, antanikichikkunapash pakta pakta llamkanka, nirkami.
Puchukaypika, llaktayukkuna zirma shutikunata wakichishka kanatami sumaychanka shinallatak llaktayukkunata kayshina llakitiyashkata yachachina paktan, shuk zirma pushay tiyashkata riksichinkapak.
Rimanakuy paktaypika, Gerardo Machado kamachi killkak, nirkami "zirma pachaka kawsaypak mutsurishka, wakllirinalla, kichunakushkami, chaymantami ciberseguridad ancha mutsurin shinallatak hayñikunata ukllanatapash sumaychana kan, kayshinamanta wacharishka yanapaykunata pakta pakta chayachinapak". Shinallatak Jhajaira Urresta kamachi killkakpash kay yuyayman kimirirka, payka nirkami "kay kamachiy rurana yuyayka ciberseguridad paktayka Ecuador llaktapi zirmapi wakichishka willaykunata alli pushay kallariymi kan, nirka.
Shuktakmantaka, Mario Zambrano kamachi killkak, kay niki killkaka ciberseguridad wakllirina rikurikpika 72 sayllakuna washa rikuy kallarina shinallatak yachachinapash, antanikichik yachakkunallata mana, ashtawanpash tukuy llamkak ayllukunata, paykuna mana riksishkamanta wakllichikpika, zirma willayta llakichiyman yaykuy ushankami nirka.
Rimanakuy puchukaska kipaka, Mamallakta Tantanakuyta pushak, Niels Olsen, kay kamachiy rurana killkaka Seguridad Integral Minkarishkaman tikrachun mañarka, kay rimanakuypi tantachishka yuyaykunata allichishpa katichun shinallatak kay kamachiyta ishkayniki rimanakuypi riksinapak llamkaywillayta allichichun.
CV/cg-k
Ashtawan shuyukuna:
