Kay Fiscalización y Control Político Minkarishkakuna, sukta ari apushitaywan, Mamallakta Tantanakuymanmi Fernando Jaramillo kamachi huchachishpa Solanda Goyes, kay Consejo de la Judicatura (CJ) tantanakuypi rimarikta llaktay ñawinchiywan kallarichun mañay chayachishkata katinapak arinirka, kay minkarishkakunaka Goyes runaka paypak llamkayta mana paktashka shinallatak kay Código Orgánico de la Función Judicial kamachiypak 21 niki killkata, kay Reglamento de Sesiones del Pleno del CJ uchilla kamachiypak 8.1, 15 niki killkata, kaypika principio de probidad yuyay, shinallatak llamkaymanta ashalla pachata anchurinapak rikuchishkata wakllichishka, nin.
Chayshinallatak, llaktapak llamkak awlli paktarishkaka kay Código Orgánico de la Función Judicial kamachiypak 255 niki, 3 yupay killkapimi kimirin, kay kamachiyka, Consejo de la Judicatura tantanakuypi rimarikkunapak sumaychaymanta, kaypika kayshina llamkayta pushakkunaka llaktay ñawinchiyman kayachishka kay ushanmi nin.
Fiscalización Minkarishkakunaka, mamakamachiyta rikushka kipa shinallatak llaktay ñawinchiy paktanata riksishka kipa, ashtawanka Corte Constitucional tantanakuypak yuyarinakushka killkata riksishka kipami, Mamallakta Tantanakuyta llaktay ñawinchiywan kay CJ tantanakuypi kallarik rimarikta kallariy ushanmi nirka, kayshina riksichishkapi llamkaywan mana paktarishkami rikurin, nishpa.
Yuyachina mutsurinmi, huchachiyta chayachik, Fernando Jaramillo kamachi killkakka ninmi, Solanda Goyes rimarikka judicatura shinallatak mamakamachiyta riksinapak akllashka kamakkuna rikuk uchilla kamachiyta arininapak rimanakuymantami llukshishpa rirka, mamakamachiy wakllirishkata sakishpa katinapak yuyaywan, ashtawankarin tantakushpa llakichikkuanta kamay paktanata rikunapak harkashpa.
Kipaka, kay rimanakuywan katinapak chusku kayachishkaman mana chayarka, kamay sichiyanapak yuyaypaktarinata arininami ashtawan kipayashpa sakirirka, nirkami.
EG/cg-k
Ashtawan shuyukuna:
