80 ari apushitaywanmi, Mamallakta Tantanakuyka kay Proforma del Presupuesto General del Estado para el período fiscal 2025 y la Programación Cuatrianual del Presupuesto General del Estado 2025-2028 killkata arinirka, kayshina llamkaykata Mamakamachiypak 294 shinallatak 295 niki killkata rikuchishkata paktashkami kan.
Kay rimanakuyka Régimen Económico y Tributario Minkarishkakuna rikunallapak allichishka llamkaywillaypimi kimirirka. Kaypika, Nathaly Farinango rimarik kamachi killkakka nirkami kay killkaka ancha yachashpa, kullkita rikuchishpa, llaktay shinallatak kamayta paktashpa rurashkami kaypik Llakta pushak llamkanapak imalla mutsurishkatami rikuchin shinallatak llakta mayman purinatapash riksichin, hampinapak, yachaypak, ashtawanka kasiklla kawsanapakmi llamkaykullkita mirachin.
Nirkami kay kullkillamkay killkaka mutsurin, kawsaypi paktarin shinallatak llaktayukwan chimpapurarin; ashtawanka Llaktapak llaktaywan paktarin. Shinallatak hatun llamkaykullkipika llaktapak llamkaykullki wiñarinawanmi paktarin, punkara llukshichina miranamanta shinallatak kay 2025 watapi kullki tantayka, USD 40.961,41 millones tukuylla paktarin; shinallatakmi llakta pushakkunapak, sumak yachana wasikunapak, politénica sumak yachana wasikunapak, Llaktapi Hampinapak, Secretaría Técnica Circunscripción Territorial Amazónica, shinallatakmi shuk shuk llamkaywasikunapak ñawpanchishpa shutichishka llamkaykullkikunami kan, nirka.
Kay yuyaypika, Adrían Castro kamachi killkakka hampinapak shutichishka llamkaykullkimanta rimarka (USD 5 hunu yalli), yachaypak (USD 5 hunu yalli), kasi kawsaypak (USD 4 hunu yalli), shinallaktak llakta pushakkunaman kipayashka kullkita chayachinapak shutichishka kullki. Paymantaka, Jadira Bayas kamachi killkakka llakta mutsurikpi utkashpa yanapanapak, yachaypak, hampinapak shinallatak kasiklla kawsanapak, ashtawanka USD 7 hunuka Universidad Pública de Santo Domingo de los Tsáchilas sumak yachana wasipak, kay llakta wamrakunata yanapanapak.
Rikushkatapash riksichirka. Mónica Alemán kamachi killkakka kay proforma killkataka kunanpi paktarikukta mana rikushpami allichishka kan shinallatak Plan Nacional de Desarrollo killkatapash mana katishkanchikchu nirka. Nirkapashmi kay "yaykunata mirachishka" tiyan, kullki mañaypash mirashka shinallatak shuktak llakikunapashmi rikurin nirka, chaymantami kay proforma killkata rikurana kan, nirkami.
Chay yuyaypillatak, Otto Vera kamachi killkakka kay 2025 wata llamkaykullkipika 4.3% patsakmi illan, kayka mankarinami kan. Nirkapashmi llamkaykunataka kullki mana tiyakpi mana katikuna kanchu nirka, Shinallatak, Liliana Duran kamachi killkakka llaktapak kullkikamayta katiranami mutsurin shinallatak USD 5.625 hunumi llamkaykullkipi illan, nirka.
Kay 2025 wata proforma killka riksinapika 16 kamachi killkakunami Mamallakta Tantanakuypi kimirishka wankurikunamanta kamachi killkakkuna rimarirka.
AM/cg-k
Ashtawan shuyukuna:
