Kay awkarik 9 puncha kuski killkami, 134 kamachi killkakkuna kay Mamallakta Tantanakuypak 035 niki rimanakuypi kay Ley Orgánica de Consulta Popular kamachiyta allichinapak riksichishpa Garantías Constitucionales Minkarishkakuna allichishka llamkaywillayta shukniki rimanakuypi riksirkakuna.
Pay rimarishpaka, Héctor Valladarez kamachi killkak, kay llamkaywillayta riksichik shinallatak kay Minkarishkapi llamkak, nirkami kay consulta popular taripayka "llaktyuk chaypikapak ukun shunkumi", llaktayuk chaypikanata mamakamachiypi riksishpa allichishkami kan.
Ashtawanka, Minkarishkakunaka kayshina yuyayta sinchiyachinapakmi yuyaypaktarishkakuna, llaktayukkuna mañashkata alli ñawpanchinkapak shinallatak llaktayuk kanata shinallatak mamallaktapi uchilla llaktakunapipash pakta pakta yuyayta tantachinapakmi hillaymi kan, nirka.
Shuktakmantaka, Paola Cabezas kamachi killkakka consulta popular paktarinatami saywashka rikurin, shinallatak tarishka yuyaykunatapash paktanapakmi rikurin nirka; kaypia llakta pushak, llaktapi pushakkuna, shinallatak llaktayukkuna taripashkamanta chikanyanmi; shinallatak ñawpakman alli rikushpa kimichishpapishmi Corte Constitucional tantanakuy taripaykunata rikunka.
Puchukaypika, Janina Rizzo nirkami, Mamallakta Tantanakuyka consulta popular paktanami hatunyachina "llaktayukkuna chaypikanapak kuyuchik anta kashkata riksishpa", kan nirkami.
Rimanakuy puchukashka kipaka, Mamallakta Tantanakuyta pushak, Niels Olsen, kay kamachiy rurana killkaka minkarishkaman tikrachun mañarka, kaypi ashtawan yuyaykunata tantachichun shinallatak ishkayniki rimanakuypak llamkaywillayta allichichunkuna.
CV/cg-k
