Mamallakta Tantanakuypak 035 niki rimanakuypi, pushak, Niels Olsen, kay Ley Orgánica Reformatoria al Código del Trabajo para la Gestión Ética y Transparencia en Asociaciones y Sindicatos de Trabajadores kamachiy rurana killkata kay Derecho de los Trabajadores Minkarishkaman tikrachun mañarka, kaypi ishkayniki rimanakuypak llamkay willayta allichishpa katinapak.
Eckenner Recalde, Minkarishkata pushak, mamallaktamanmi shuk sinchi, riksirishka, pakta pakta kamachiyta chayachinapak mashkakunchik, llamkakunaman shinallatak llamkachikman, llaktayukmanpash sinchi yuyayta tikranchik kamachiyta kutichinapak. Nirkami wakichinaka -llamkaywillaypi rikuchishka shina- wahala ruraymi kan.
Kay yuyaypika, ashtawan sinchitami ukun yuyaykunamanta rimanakuna, kay kamachiy rurana killka alliman yallichun shinallatak rikurichunpash. "Tantanakuyta wakllichina yuyay mana tiyanchu". Kikinmanta llamkayta, llaktayuk chaypikayta, achiklla paktariyta sumaychaymi", nirkami.
Kamachi killkakka nirkami kay kamachiy rurana killkaka mutsurin, utkana, mamakamachiywan paktarinami kan. Kamachiy hatunyaytami paktarin shinallatak wakllirinalla uchilla kamachiypi ama paktarikuchun; Mamakamachiypak 326 niki killkata, 8 yupaytami paktachin; kay istallaktawan yuyaypaktarishka Organización Internacional del Trabajo tantanakuywan suniyan; shinallatak llamkakkunata ukllan pushakkuna wiñayta chaypi ama sakirichun shinallatak charishkatapash alli pushachun.
"Kay kamachiyta allichishpa katishpaka shuk achiklla willaytami chayachinchik: kay Mamallakta Tantanakuyka wiñayta allipi yanapariyta mana kunanchu, llakichiktakarin mana sakinchu. Ñami pachakuna kasiklla kawsanta sinchiyachina shinallatak pushakkunata mushukyachinapash". nishpa puchukarka.
Rimanakuypika, chusku kamachi killkakkunami kay kamachiyta allichinami mutsurin nishpa rimarirkakuna. Kay kamachiyka llamkakkunatami ukllanka kaypi tantarishpa wakllichiyta ama charinkapak; llamkakunapash kikinmanta kacharishpa wankuriy ushachun, paykuna pushaypi ama wiñayta sakirichun shinallatak mutsurinmi "pantalla pushakkuna wakllichishpa ama katichun".
Niels Olsen shukniki rimanakuyta wichkarka shinallatak Ley Orgánica de la Función Legislativa kamachiy rikuchishkata katishpa.
RSA/cg-k
Ashtawan shuyukuna:
