Mamallakta Tantanakuypi, chaypikak 132 kamachi killkakkunami tukuykuna arinirkakuna, kay 10 puncha kuski killa watan watan yuyarinapak “Día Nacional del Taxista Ecuatoriano” shutichirkakuna, paykunapak punchanta sinchi sinchi alli yayaywan llamkashkamanta, kay llamkayka mallaktapak tukuy kitikunapimi paktarin, 54 watakuna ñawpamanta, kay watakunataka taxi antawapi llamkakunaka pakta alli yuyaywan llamkashkakuna, mamallaktapak tukuy mutsurik ayllukunata yanapashpa.
Kay yuyarinakunapak killkataka, Yadira Bayas, kay Santo Domingo de los Tsáchilas markamanta kamachi killkakmi chayachirka, kay mañaypika llamakkunapak kamaymi kan shinallatak ashalla pachakunakamaka, antawa purichishpa llamkakunata mana riksishkami karka. Taxi antawa purichikka upalla llamkan, ayllukunata kuyuchin shinallatak llaktapak kullkillamkaypipash kimirin, nirkami.
Rimanakuypika, chusku kamachi killkunami rimarirka, kaypika taxi antawa purichikta yanapashpa rimarka, waranka waranka llaktayukkunami paykunapak rimashkata uyachin shinallatak riksichunpash Mamallakta Tantanakuymanta shuyakun kay Ecuador llaktapi pakta llamkashkamanta, anta purichishpa llamkashkamanta.
Kayshinami, Mamallakta Tantanakuyka antawa purichinapi llamkak ayllukunapak llamkayta riksirin, paykunaka llaktata hatunyachinapakmi, Federación Nacional de Operadoras de Transporte en Taxis del Ecuador (Fedotaxis) tantanakuymanta, paykunawan kimirishkakunawan, llamkaypaktaykunawanpash llamkakunkuna, shinami llamkayta wiñachishpa llakta riksichinapi, ayllukunata kuyuchinapi , kasiklla kawsanapipash yanapashpa paktarinkuna.
Jorge Calderón, kay Fedotaxis tantanakuyta pushak, llaktayuk chaypikanapi rimarishpa nirka, kay punchaka wiñayta yuyarina punchami antawa purichik ayllukunata shinallatak paykunapak wasi ayllukunatapashmi riksirishka, kaypi llamkakkunaka pakta wankurishpami llamkakun shinallatak waranka waranka llaktayukkunatami yanapan, nirka.
Taxi antawa purichikmanta Mamallakta Tantanakuy pushak, Niels Olsen kamachi killkakman yupaychayta chayachirka, llaktapi yanapashpa llamkakunata riksirishkamanta. Nirkapashmi kay mushuk Ley de Tránsito y Transporte Terrestre kamachiy allichiypi yuyaykunata chayachishun llaktayukwan pakta kachun kasiklla kawsayta yanapachunpash, kaytami llaktaka mutsurin, nirka, kayshina antawakuna waklliriyta ashayachinkapak, nirkapashmi.
EG/cg-k
