Kay kulla puncha, Riobamba kitipi, Mamallakta Tantanakuyka “Día de la Fundación del Ecuador” punchata yuyarirkakuna, yuyarinapakka kamachiy awllimi shuk killkawan kay 4 puncha wayru killa 2022 wata arinirkakuna. Kay unanchay rimanakuyka Ecuador Mamallaktapak shukniki kamachiyta, 11 puncha kuski killa 1830 wata arinishkata yuyarishpami kan, kaymanka Mamallaktata, ayllu llaktata, apunchik wasita, awkakunata, chapakkunata shinallakta Chimborazo markapi pushakkunata, kiti pushakkunata, shuktak ayllukunatapashmi chaskirkakuna.
Rimanakuyka mamallaktapak wiphala unanchashka yaykukpimi, Ecuador mamallaktapak hayllita tukuy kaypi kakkunawan takishpa kallarirka, kay rimanakuyka Teatro León wasi, Riobamba kitipak chawpi kuskapi kallarirka.
Kipaka, riksishka yuyay mashkak Alfredo Muriel runami, kay Riobamba llaktapi Mamakamachiyta killkashpa Ecuador mamallakta wiñarishkata riksichirka. "Kay punchaka Ecuador llakta wiñarishkalla mana kanchu ashtawanpash kacharishka, unanchashka, shinallatak tukuykuna alliman kawsanapak muskushkata paktay punchami". Kayshina yuyarinakuyka mamallakta wiñarinapak yanapaymi kan, nirkapashmi.
Chay kipallatakmi shuk kuyurik shuyuta "Día de la Fundación del Ecuador" yuyachikta rikuchirka, kaypika Riobamba kiti wiñaykawsaypi shinallatak kawsaytarpuypi paktarishkatami rikuchirka, kay llaktapimi Shukniki Mamakamachiy killkarirka. Kipaka, Mamallakta Tantanakuyta minkashka pushakuk, Mishel Mancheno, kay Consejo de Administración Legislativa (CAL) wankuriywan shinallatak shuktak kamachi killkakkunapash chaypi karka, riksirishpa unanchakunata Riobamba kiti, Chimborazo marka riksirishka 18 runakunaman, llamkaywasikunaman chayachirka.
Rimarishpaka, Mishel Mancheno, Mamallakta Tantanakuyta pushakka nirkami, kay Ecuador llakta Antis kuskakunaka, kishpirinapak atiripi shinallatak kishpirinapakpash atirishpami Ecuador llakta wiñarinapi yanaparka. "Kamay ruray kashpapish, ushay paktaymi karka, Mamallaktataka makipurashpami wiñachinchik", nirkami.
Kunanka, Ecuador llaktaka kawsay kallarina pachakunapimi kan; kunanka llaktayuk chaypikanapakmi llamkakun, makipurashka llakta wiñachinkapak, Ecuador llaktayukpak llamkayta wiñachinapak. "Riobamba kitika allpa chukchuypash mana wakllichinchu kayshina llakikunamanta makipurashpa ñawpak katinchikmi", nirkami.
Kay rimanakuyka Riobamba kitipak hayllita takishpami puchukarka, kipaka Mamallaktapak wiphalami unanchashka llukshirka shinallatak pushakkuna, chayamukkunami Teatro León wasi Riobamba kitimanta llukshirkakuna.
EG/cg-k
Ashtawan shuyukuna:
