78 ari apushitaywan, Mamallakta Tantanakuyka Llakta pushak tukuy llaktayuk tantanakuywan rimanakushpa katichun mañarka, kaypika llaktayukkuna, kullkillamkay shinallatak kay decretos ejecutivos N.º 125 y 126 killkakamaywan kimirishkakunawan rimanakuchun kayachirka.
Shinallatak, kamak tantanakuykunata kay ashnakkunata pakalla mintalay tiyashkata rikuchun shinallatak allichichunpash kayachirka.
Kayshina yuyarinakuymantak Programa de Redistribución de Recursos paktayta shinallatak ayllukunata yanapanapak killkata riksishka kipami chayarkakuna, llaktayukman mintalanapak ashnak diésel shuk galón tupu USD 2.80 paktashkamanta, kay yuyaypaktariyka Decreto Ejecutivo N.º 126 killka, kay 13 puncha kuski killka 2025 watamanta kallarichishka.
Kayshina yuyaymanta rimanakunapakka Esteban Torres kamachi killkakmi chayachirka, payka nirkami ashnakkunata yanapayta anchuchiyka Guillermo Rodríguez runa llakta pushakuymantami kallarirka, ñami 51 watakuna kan. Torres runaka nirkami kay yanapaykunaka Ecuador llaktapak 33.000 hunu dólares killkami kay puchukan 10 watakunapi rikurishka. Rikuchirkami kay charinakunaka "mana allipi chayachishkami kashka, chukita pakalla llukshichinapi, ashnakta pakalla apanapi shinallatak, umachinkachina mintalakkunapakmi chayashka", nirkami.
Kay rikuymanta paktarishpaka, antawa purichikkunaman yanapay kullkita, Raíces yanapay kullkimanta, Bono de Desarrollo Humano yanapaymanta, antawa purichikkuna samarinamanta, kay 7x7 kullki mañachinamanta, shuktak yanapayta chayachinamantami rimarirka. Nirkami, yanapayta anchuchishkamantaka, Mamallaktaka 1.640 hunu dólares kullkitami kay kapak killa 2026 watakama wakichinka.
Mario Zambrano kamachi killkakka yuyaywan paktarirka shinallatak kay yanapay chayachinaka wakllirinalla llamkak ayllukunaman chayachinka, kullkita pakta chayachinapak ruraykuna.
Shuktakpika, Annie Muñoz kamachi killkakka kay ruraykunaka "Ecuador llaktapi llamkaytami pakta wakllichishka" shinallatak kutinpash rikunaman kayachirka, chikanyayta ashata harkankapak.
Paymantaka, Otto Vera kamachi killkakka Ecuador llakta ayllukunapak kawsaymanta rimashpa nirkami kay ruraykunaka mutsurirkami. Yuyachirkapashmi kay 2024 wataka 1.500 hunu dólares kullkitami chayachirka, kaymantaka 500 hunu kullkimi chinkarirka. Kaymantami kay yanapayta ashtawan mutsurikman chayachichun mañarka.
Héctor Rodríguez kamachi killkakka imashina kay ashnak yanapay anchuchishka llamka 20 % llaktayukpi kuyuchishkatami rimarka.
Tukuymantaka, 14 kamachi killkakkunami rimarirka, paykunaka diésel ashnak yanapayta anchuchishkamanta, llaktayukta yanapay mutsurishkamanta shinallatak yanaparik ayllukunaman llamkaykullki pakta rakinamantami rimarirkakuna.
AM/cg-k
Ashtawan shuyukuna:
