Mamallakta Tantanakuyka, TVL karu rikuchikwan, willaykuna llamkanta Puntu Curul llamkaywan mirachin, kay willanakuyka kawsaymanta rimanakunapakmi, kaypika karurikuchikta chapakkunami ayllukunapak kawsayta riksinkakuna.
19H00 tuta, chillay 17 puncha kuski killkami, kay mushuk willay rimanakuyka, María Camila Zurita willachikwan kari warmi kamachi killkakunaka paykunapak kawsaymanta rimanakunkakuna.
Llaktaymanta rimanakuna chikan shinallatak Huna rimanakuymanta anchurishpa, Punto Curul rimanakuyka mushuk riksina rimanakuymi: runapak wiñaykawsayta, kushiyana riksishkata, kawsaypi riksishkata shinallatak imamanta kamachi killkakshina llaktayukta yanapanapak akllarishkata rimanakunankapak.
Kayta rikuytaka Pichincha markapi ayllukunaka canal 42 wachupi shinallatak y streaming Zapping, Claro Video llikapipash uyankakuna, kayshina Ecuador llaktapi shinallatak allpapachapipash rikunapak usharichun.
Kay karu rikuchikpi mushuk rikunaka kamachi awllipak willachik antakuna chikan chikan willaykunata chayachina ukupimi, kayshina Mamallakta Tantanakuy llaktayukkunawan paktarichunmi kayachinka.
