Kay chillay 17 puncha kuski killa 2025 wata, Ecuador Mamallakta Tantanakuypi Unión Europea Tantanakuypak Minkarishkakunata chaskirka kayshina Países de la Comunidad Andina (DAND) llaktakunawan makipurashpa llamkanapak, wiñaykawsaypi kay kutin chayamushka kayshina 2025-2027 watakuna llamkanapi makipurankapak shinallatak pichka llamkay yuyaywan paktarinkapak.
Kay rimanakuypika, Niels Olsen, Mamallakta Tantanakuyta pushakka, Europa llaktamanta chayamuk, Robert Biedron tantanakuyta pushakman alli shamushkata chayachirka. Rimarishpaka, kay Grupo Interparlamentario de Amistad wankuriypak llamkay pakta kashakta rimanakurka kayshina Ecuador llaktata yanapanapak alli kachun, nirka.
Rimanakushka yuyaypika, Olsen runaka Visa Schengen paktanapak llamkashkata rimarka, yuyachirkami "kunanpika, Ecuador llaktaka kay Comunidad Andina llaktakuna ukupi visado kamayta mana charin". Shinallatak, Unión Europeo suyu llaktawan mintalayta paktachinapak sinchita llamkakushkata willarka, kay yanapaykuna llamkay mirachinapi, ruraykuna sinchiyachina, llaktapak ashtawan kullkita chayachinapakmi yanapan, nirka.
Paymantaka, Robert Biedron runaka Mamallakta Tantanakuy chaskishkata naparka shinallatak europarlamentarios shinallatak Ecuador kamachi killkakwan makipurashpa llamkashkamanta yupaycharka, kay llamkaykunaka Unión Europea suyu llaktakuna Ecuador llaktawan mashiyashpa llamkayta sinchiyachina, nirkami.
Europa minkarishkata pushakkunaka istallaktawan makipurashpa llamkana pakta alli kashkata rimanakurka shinallatak kasiklla kawsanapakpash llamkaymi kan, nirka. "Ecuador llaktapi kasiklla alli kawsanata mañanchik, kay llakikunaka saywa llaktatami yallin". nirkami.
Ishkantik pushakkunami kay rimanakuy shinallatak Ecuador llaktawan makipurashka kashkatami riksichirka kay llamkaykunaka istallakta kamaywan paktarishkami, llaktayuk chaypikanapak kallari yuyaykunapak, allichik rimanakuyta wiñachinapak, kayshina Unión Europea suyu llaktawan yuyaypaktarinkapakpash.
CV/cg-k
