Kay 22 punchamanta 28 punchakama hunkaypi, Mamallakta Tantanakuyka makirukkunata unanchanapak yuyaywanmi rimanakunka, Gonzalo Albán Molestina runa, Consejo de Participación Ciudadana y Control Social (CPCCS) tantanakuypi llamkaktapash ñawinchinka shinallatak Fortalecimiento y Sostenibilidad Crediticia kamachiy rurana killkata ishkayniki rimanakuypi riksinkakuna.
Shuklla shina, yachak minkarishkakuna shinallatak kamachiy awlli minkarishkakunapashmi kamachiykunata rurashpa katinkakuna, shinallatak llakta pushakkuanta, shukllapak llamkakunata, wankurikunata, yachachikkunatami Mamallakta Tantanakuypi llamkayman kay yuyaymanta rimanakunapak chaskinka.
Huna Rimanakuy.
Kay awaki, 22 puncha kuski killka, 10h00 pachami, 040 niki rimanakuy kallarinka, kaypika Acuerdo y Condecoración "Dr. Vicente Rocafuerte" unanchatami, Al Mérito Cultural riksishpa, takik runa Jesús Humberto Fichamba Vásquez (+) shutipi chayachinka, takipi pakta llamkashkamanta; shinallatak, makirurak takik Luis Padilla Guevara, Gustavo Pacheco Cucalón runakunamanpash, paykunaka kay llaktapi shinallatak istallaktapipash takishpa pakta riksichishka.
Kipaka, Mamallakta Tantanakuyka Gonzalo Albán Molestina runa, Consejo de Participación Ciudadana y Control Social (CPCCS) tantanakuypi llamkakta juicio político ñawinchiyta puchukaypi paktarinka, mañaytaka Keevin Gallardo kamachi killkakmi mañarka, paypak llamkaypi mana pakta kashkamanta nishpa, kay Fiscalización y Control Político Minkarishkapi mañashkata paktashpa, kay llamkaywillaypika, Albán kunak runaka paypak llamkaypimi mana pakta kashka paypak ushaykunawan kamay mana paktashpa llamkayman chayashkamanta kaypika llaktay wankurikunaman pichka watata mana kimirishka kashka nin.
Utkashpa rurana kamachiy
Shinallatak, kay hunkaypi shuk rimanakuypimi, kamachi killkakkunaka Ley de Fortalecimiento y Sostenibilidad Crediticia kamachiy rurana killkata ishkayniki rimanakuypi riksinkakuna, Llakta pushakmi kullkimanta utkashpa rurana nishpa chayachishka karka, kaypika Banco del Instituto Ecuatoriano de Seguridad Social (BIESS) kullki wasita kikinmanta llamkanapak shutichin nin shinaka fideicomisos yuyarinakushkatami chinkachinka shinallatak kullkiwan pakta llamkanata kullki wiñachinata kutichinka, shukllapak kullkita wakichikunapak rantika. Ashtawanka, Instituto Ecuatoriano de Seguridad Social (IESS tantanakuypak pushaytapash sinchiyachinka.
Kay Desarrollo Económico, Productivo y la Microempresa Minkarishkapi allichishka llamkaywillaypika BIESS tantanakuy kullki kipayashka shutikunata mintalachun shinallatak imashina paktarikuk willayta riksichichunpashmi kamayta arininka, kayshina paktayla kullkiwan pakta llamkaytami yanapanka, shinaka, kullkitami ashtawan charinkakuna. Ashtawanka, killkarishka, samakuk ayllukunapak kullkitami ashtawan ukllanka, mana mutsushkapi kullkita ama tukuchinkapak, shinallatak mana mutsushka llamkaktapash ama charinkapak.
Consejo de la Judicatura Tantanakuy
Killkakamayuk kay Consejo de Participación Ciudadana y Control Social (CPCCS) tantanakuy yuyarinakushka killkata chaskishka kipa kay Consejo de la Judicatura (CJ) tantanakuypak mushuk pushakkunata kay 2025-2031 watakunapi llamkanapak shutichishkamanta, Mamallakta Tantanakuyta pushak, Niels Olsen, llamkaypi kallarichinapak kayachinka. Kay chillay puncha, Consejo de Participación tantanakuy Mario Godoy, Magaly Ruiz, Alfredo Cuadros shinallatak Damián Larco rimarik ayllukuna CJ tantanakuypi llamkakkuna.
Minkarishkakuna
Justicia.- Kay Justicia y Estructura del Estado Minkarishkakunaka kay Código Orgánico Integral Penal (COIP) kamachiy mushukyachinata shinallatak Código Orgánico de la Función Judicial kamachiy mushukyachinata, shinallatak mushuk Ley de Extradición kamachiytapash allichishpa katinka.
Mikuna Unanchay.- Kay Soberanía Alimentaria y Desarrollo Agropecuario y Pesquero Minkarishkakunaka llamkakkunata, Mamallaktapi llamkaywasikunatami kay Ley Orgánica de Desarrollo Agropecuario kamachiy allichinapak yuyaykunata chaskinka.
Hmapina.- Kay Derecho a la Salud y Deporte Minkarishkakunaka awkarin, kulla punchapimi rimanakunapak shuyakunkuna, Minkarishkapi llamkaywan paktanapak, ashtawankarin kay kamachiy allichinapak yuyaykunata chaskishpa.
EG/cg-k
