78 ari apushitaywan, Mamallakta Tantanakuypi Decreto Ejecutivo Nro. 153, kay 20 puncha kuski killa 2025 wata allichishkata kimirinapak arinirkakuna, kay mañaytaka Llakta pushak, Daniel Noboa Azin, chayachishka, kaypika llaktayukkunatami shuk Asamblea Constituyente rimanakuy kallarinapak taripanata mashka, mamakamachiypi paktarishpa llaktayuk chaypikana ushaywan, llaktayuk paktarina sumaychata tikrachishpa.
Yuyarinakushka killkaka, Mamakamachiypak 441, 442 niki killkapi rikuchishkata paktashpa allichinkapak mushukyachinapakpash churashka llaktapak ukun kuskata allichina mana pakta kan, kay 2008 wata allichishka mamakamachiyka waklliriyta charin shinaka llakta pushayta, llaktapi kasiklla kawsayta shinallatak ushaykuna pakta pakta kanatami mana sakin; Ecuador llaktaka shuk mushuk mamakamachiytami mutsun kayshina llaktapi ushay llamkay pakta kachun allikanka.
Shinallatak, Mamallakta Tantanakuyka llaktayukwan, llaktayuk chaypi kanata shinallatak Mamallaktapak hayñiwanpash paktarishkami kan, kayshina llaktayukpak llamkayta sinchiyachinkapak, llaktayuk chaypi kachun shinalaltak llaktapak llamkaywasikunapash achiklla kachuna, kimichik shinallatak llaktayuktapash yanapak kachun.
Mañashka yuyarinakushka killkapika, Alejandro Lara kamachi killkakka nirkami Mamallakta mushukyanapakmi rimay shimita kutichin, kaypika, "Hayñipak mamakamachiyka kunarinapak haylliman tikrashka".
Lara runaka nirkami Llakta pushakka mamakamachiypi, llaktayuk chaypikanapi, pakta paktami kimirishpa ñawpakman katinapakmi kay mamakamachiypak 444 niki killkapi rikuchin,
Rimanakuypika, Ana Belén Yela kamachi killkakka mamakamachiy imalla charishkata rimarirka, mamallaktapi llakichiykuna mirakushkamantapash. Pachamamapak hayñita ukllan, shuktak sumaychaykunapash. Viviana Veloz kamachi killkakka Mamakamachiypak hayñi charikmi nin.
Paola Jaramillo kamachi killkak nirkami "Asamblea Constituyente ruraymi llukshinapak ñan kan", kunanpi paktarikukka "kay socialismo del siglo XXI paktawan rurashkami kan".
Paymantaka, Otto Vera kamachi killkakka llaktayukta taripayka kawsayta allichinapakmi kan. Shinaka Mamakamachiywan paktarishpami kayachina kan.
Rimanakuypika iskun kamachi killkakmi rimarirka, paykunaka llaktayukkuna ancha mutsushkamanta rimanakurka, Mamallakta kuskamanta, Antisuyu hayñimanta, shuktak yuyaykunapash.
Kay yuyarinakushka killkaka Llakta pushakman shinallatak Consejo Nacional Electoral tantanakuyman, llaktayukmanpash riksichishka kanka.
AM/cg-k
Ashtawan shuyukuna:
