Esmeraldas markamanta shamuk, Esperanza Galván kamachiy killakak, payta kachakkunaman paypak llankayta rikuchishpa, Mamallakta Tantanakuy 15 kamachiyta arinishka hawa willarka.
Chay Formación del Cuerpo de Bomberos yachana wasipi, Valle San Rafael de Esmeraldas llaktapi, 300 runakuna tantarirka, chaypimi kamachikkuna, pushakkuna, takikkuna, chay llaktamanta kamachiy killkak paypak llankayta uyankapa chayarkakuna.
Chaypimi Esmeraldas kitita pushak, Lenin Lara; Paola Cabezas marka pushak; Consejo de Participación Ciudadana y Control Social pushak, Manuel González Peralta; Vuelta Larga shulkamanta, Borbón pushak, Franklin Moreira y Ricardo Quiñónez kamachikkuna chayarka; Cuerpo de Bomberos de Esmeraldas pushak, José Vivero kamachik, CENEL kamaywasimanta, Ever Sosa kamachik, shuktak kamachikkunapash chayarka. Tantarikunata pushakkunapash chaypi karka, shinallatak Red de Maestros pushak, CONAMUNE pushak, AMIERSOC pushak chaypi karka.
Esperanza Galván kamachiy killkak, Mamallakta Tantanakuy 15 kamachiyta, 8 ista kamachiyta arinishka hawa willarka, kaykunamanta ishkay kamachiy Desarrollo Económico, Productivo y de la Microempresa minkashkapi atinakushka karka.
Chayka Cierre de la Crisis Bancaria de 1999 kamachiymi kan, kay kamachiymi runakunapak iñita apamun, kullki chinkarishkata allichin, wichkarishka kullki wasiman manukpak makimanta kullkita hapina nishpa willarka.
Kay Servicio Público de Energía Eléctrica Hatun Kamachiymanta rimarka, kaymi runakunapak hayñita sumaychashpa manushka kullkikunata achiklla hapinata rikuchin, kay mitachimantapash mana kullkita hapinka. Ashtawanapash Mamallaktapak pachamampi tiyashkakunata mana wakllichishpalla hapinatami rikuchin, llaktayukkunaman alli zirma mitachita kuna nirka.
Ña rimayta tukuchinkapa, Esperanza Galván kamahiy killkak, llaktayukkunapak hayñikunata ukllashpa katinkapa arinishkata charini nirka, shinami tawka kamachiy killkakkuna atinakuypi rimarka, rimanakuypi mana takarishpalla tukuykuna yuyarinakuyta mashkashpa, llaktayukpak mutsuykunapi, mañaykunapi yanapankapa arinirka.
Kay tantaripika, tantaraishka Sumak Kawsay shutiyuk ruku kari warmi runakunami shuk takita rikuchirkakuna.
PV/jc-kichwa
