Kay Derechos de los Trabajadores y la Seguridad Social Minkashka kaya 10h00 sayllamanta Hospital Rafael Rodríguez Zambrano Manta llaktamanta, Tungurahua markamanta Seguro Social Campesino tantarita chaskinka, llankay hayñi hawa, hampikuna illaymanta rimarinkapa chaskinka.
Betty Carrillo Minkashka Pushak kayashkawan yuyarishpa, Hospital Rafael Rodríguez hampik wasipi llankakkunata chaskinka, paykunapak hayñikunata mana sumaychashkamanta wanakuyta sinchiyachichun, imamanta paykuna llankana kuskamanta anchuchishkata allita rikuchichun chaskinka.
Kipaman Tungurahua markamanta Directiva Provincial del Seguro Social Campesino minkashka pushakkunata chaskinka, paykunaka hampikuna illashkamanta, hampinkapa alli kuskakuna, mutsurik uchilla hillaykuna illan nishpa wanakuyta churanka.
Chay kamachiyta killkakushpallatak tantachishpa, Ley Interpretativa kamachiypak 4 nikita, Jubilación Especial de los Trabajadores de la Industria del Cemento kamachiyta Minkashka rimanka. Chaypak Industrias y Productividad Kamaywasi Pushak, Ramiro González kachashka pankata riksinka, chay pankapika Oscar Orrantia, Rodolfo Montero, Presidentes del Directorio y Ejecutivo de Holcim Ecuador S.A. Killkashkatami riksinka.
Tukuchinkapa, kamachiy killkakkunaka Gerente General de la “Corporación Nacional de Telecomunicaciones, Cesar Regalado rikuchishkata riksinka. Ñawpa Andinatel llankakwasipi llankakkunawan llaki tiyashkata rikuchinka, 2006 watamanta, 2007 watakama kullkikunata mana paktapakta rakishkata atirinkuna.
Awllikka, kullkikunata chay pachapi tiyak kamachiykunawanmi kurkanchik nirka, chay kamchiyka Ley Orgánica de Servicio Civil y Carrera Administrativa y de Unificación y Homologación de las Remuneraciones del Sector Público shutimi karka, pichkaniki churaypika “ shukpaklla hayñiwan pushakushka kamaywasipika Mamallaktami achka tukuylla kullkita churana nin, mayhan llankakpash pay llankashkamanta washa shuk watamanta 1.5 yapa, PIB kullkimanta mana hapinkachu. Chay llankaywasipi yalli kullki tiyakpika rakirinata mana ushanchu. Chay tiyashkakunataka runakuna wiñariyna llankaymanmi churanka…”
PV/jc-kichwa
