Kay Régimen Económico Minkashka, Oswaldo Larriva, shamuk hunkapi Código Monetario y Financiero kamachiyta Utkachik ashata shitashka chayamunka nishpa willarka, kallari llankayka: yachayta, alli rikuyta, willayta allichina kanka, kamachiy killkakkunaman achikyachina kanka nirka.
Utkachik kamachikkunawan, Patricio Rivera kamachikwan, Política Económica rikukwan rimanakurka, paykunami mushuk kamachiyta ashata kichushkata willarka, mana hatun anchuchichu kan kamachiy killkak nirka,, Código Monetario kamachiyka Mamallakta Tantanakuypi arinishkami karka.
Hidrocarburos kamachiy
Kay Consejo de Administración Legislativa, (CAL) yuyarishkamanta, Hidrocarburos kamachiy hawa llankashpa katina kan nishpa Oswaldo Larriva tukuyman willarka, paypak mushuk yuyaymanta shamuk mushuk hidrocarburífera llankayman churana nirka.
Kay kamachiy killkak, hidrocarburífera mushukyayta, 22 katikuyta mushukyachishka kan nishpa yuyachirka, kayka tawka kamachiykunapimi tiyan nirka, churashka kamachiypi tiyan nirka, chaykunatami shuklla kamachiy kachun, kaypi llankakkuna alli pushachun, churashkakunata alli pushachun rimarka. Kay llankaykunataka shamuk hunkami kallarishun nirka.
2015 watapak kullkimaru
Kay Régimen Económico minkashka, shamuk hunkakunami Mamallakta Tantanakuyman, l2015 watapak kullkimaru chayamunka nirka. Yalli watakuna shinallatakmi kay tantarinka allita rikuna kan, chaypakka Política Económica pushakta kayanka, chay paktashkata rikunkapa shuktak awllikkunatapash kayanka, chikan chikan tantarikunatapash, llaktayukkunapak tantaripak pushakkunatapash kayanka, mushuk yuyarikuna tiyashkata riksichunmi kayanka.
Llaktakunapi llankaykuna
Shuktak nikipi rimashpaka, tantarishkakuna llaktakuna llankayta rikushpa katin Oswaldo Larriva willarka, kay kutinka Minería kamachiy mushukyakuktami rikushpa katin nirka, Chuki kamaywasita Kipapushakwan El Oro, Azuay markaunata purishpa, makiwanlla kurita surkushpa llankakkunawan kay kamachiy imashina paktakushka hawa rimarka.
Kamachiy killkak chukita surkushka puchukunawan llaki tiyan kamachiy killkak shinami nirka, mayuta mapayachikuk llaki tiyan, El Oro markapimi shina kan nirka, Puyango-Tumbes mayukunawan chakrurishpa ista llaktawan llaki tukun nirka.
Kay llakikunata rikushpa, Comisión 3 pushak, kamachiy killkakkuna samarishka kipa Ministra de Ambiente, Lorena Tapia hatun kamachikta kayanka, chuki kamachiy imashina katikushkata riksinkapa kayan nirka, chuki puchuwan mayukuna mapayakushkata riksichichun kayana nirka.
Kamaychiyta paktachina
Tukuchinkapa, Oswaldo Larriva, Fortalecimiento y Optimización del Sector Societario y Bursátil, Código Monetario y Financiero kamachiykunata minkashkakuna allichikun nirka, Mamallakta Tantanakuy kamachiyta rurashpa mana harkanchu, kamachiykuna paktakushkata, katikushkata rikunka, katinka nirka.
JLVN/pv/jc-kichwa
