Wanra, 15 puncha, ayriwa killa, 2014 watapi, Soberanía Minkashkaman yaykurishkakuna tukuri tukuylla rimanakuyta tukuchinkapa rikushkata charin, ishkayniki tantarikunawan rimarinka, Recursos Hídricos, Usos y Aprovechamiento del Aguas kamachiymanta pichka yuyaytami rimanakuyka rikunka, El Oro markapimi tantarinaka.
10:00 sayllamanta, Gobierno Provincial de El Oro wasipi tantarinka, chayka Junín y Rocafuerte (kuchupi), ishkay patapi, kay markapak Mamallakta Tantanakuy wasipipak chimpapurapimi kanka.
Hatun yuyaykunaka: ñawpa yachamushka, waka kuskakuna, imashina ñawpapi yakuta charimushka; hapina, yakuwan llankana, kamana rimaymi kanka; kikinpak hayñikuna, kawsay kamachiy; kamachikpak ukupi rikurishpa llankana hawapash kanka.
Kay ishkayniki tantarikunawan rimanakuyka manarak kamchiyta killkashpa tapuy ukupimi kan, kaytaka Soberanía Alimentaria Minkashkawan Mamallakta Tantanakuymi pushakun, Mamakamachiypak 57 nikita, Mamakamchiy Rikuk churashkata paktachishpami kan.
Runakuna yuyayta kushkakunata, rikuykunata riksichina, yuyaykunata tantachina 22 markakunapimi rurashka kan, tantanakuykuna mushuk yuyaykunata rimashkata uyanami kan, hatun yuyaykunata churashkami kan; kay llankayka El Oro markapi kay wanra, 15 punchapimi tukurin.
Kay Mamallaktata purishpa llankaypika, kamachiy killkakkuna, chay llakita charik runakunata imashina mushuk kamachiywan kishpichichun mañakushka hawa paktakushkatapash willarka.
JLVN/am/jc-kichwa
