Kay Comisión de Fiscalización y Control Político ñawpakpi Kullkita Rikuk Carlos Polit, llaktay tantanakuy paykunaman kushka kullkita imashina tukuchishkata mana rikuchin nirka, Fondo Partidario Permanente kullkita rikukpika, 1 puncha, kuski killa, 2010 watamanta, 31 puncha, kapak killa, 2012 watakama imapilla tukuchishkata mana yachanchikchu nirka.
Kay Sociedad Patriótica, MPD, Pachacutik, ID Llaktay Tantarikunaman kushka kullkita imapilla tukuchishka mana riksirinchu, Carlos Pólit nirka, kuska kullkita uchilla kamachiywan, kamachiywan rikushpami kay llakita tarishka, chay kullkika llankayta rurachun, willaykunata rurachun, yahachichun kullkimi kan.
Imashina kullkita tukuchishka pankakunata rikukpika, imapak kullki llukshishkawan mana kimirinchu, shuktakmi kan. Llaktay tantaripak kullkita rikukpimi Kullkita Rikuk chay llakita tarin.
10 punchamanta, 24 punchakama, kullka killa, 2014 watapimi tarishkata rikuchirka. Kullkita Rikukmi kallarik ishkay willayta kacharka, willaypika paykunata huchachinatami rikuchirka; 4 puncha, ayriwa killa, kay watapillatak ishkay tukurik willayta Fiscal General del Estado kamaywasiman chayachirka, sapan llaktay tantaripak llakitami riksichirka.
Kay wanra, 15 puncha, chilla, 16 puncha, kulla, 17 puncha, ayriwa killa, 2014 watapi Kullkita Rikuk kallarik killkashka willayta killkakatishpa riksichinka, chaymanka Consejo Nacional Electoral kamaywasi, llaktay tantarita pushakkuna, kamachikkuna kayashka kan, paykunami imashina kashkata uyanka.
Chay willayta killkatishkata uyashka kipa, 5 puncha kipa, paykunapak rikuywan kallarinka, kipaka chayachina kan, chaywan kay willayka allichirishpa arinirinkapa killkarinka.
RSA/pv/jc-kichwa
