Kay Soberanía y Relaciones Internacionales Minkashkapi, Venezuela llaktamanta Kunak Oscar Upegui Flores, yanapankapa maymutsurik kakta, Kipirikukwan yanapankapa Yuyarishkata rimarka.
Kallaripika 1940 watamanta, 2006 watakama Ecuador llaktawan Venezuela llaktawan 38 kamachiywan Yuyarinakuyta charishka nirka, chaymanta achkami llaktay yuyari karka, Bolivariana y Ciudadana llakta tukushkamanta 130 llaktay willaypi, runakuna yanapaypi, kullkipi, kawsaytarpuypi yuyarinakuyta ashtawan charishka, kaywanka ishkantin wawki llaktakuna kimirinakuytami rikuchin.
Kipi rikuymanta yuyarishpaka 14 puncha, aymuray killa, 2012 watapi yuyarinakuyta aspishka, kayka ishkantin Mamallaktakunapakmi tiksi nirka, kaywanmi mana kamachiywan apamuk kipikunata harkana, takana nirka, mayhan kamachiyta pakishpa apamuktami ashtawan harkana, ashtawan harkachun yachachishpa yanapana nirka.
Kay ista hillaykunaka hatun llaktakuna llaki kuyurikta harkankapa llankaytami tinkichinka, Venezuela Hatun kamachikka kay Yuyarinakuyta killkashka ishkay killapi kamachiyman tikrachirka.
Shinallatak, Eduardo Zambrano kamachiy killkak, Relaciones Internacionales Minkashkaman yaykurishka, Ecuador llaktawan, Venezuela llaktawan wawkishina llankayka tawka watakunami kan, chay llaktapi Ecuador llaktamanta achka runakuna kawsakpi kay yuyarikuna tiyashka.
Mamakamachiymi yaykurichun yanapan, yuyarinakuymi mushuk llankayta rurak ishkantin hatunkamachikta yanapan. Yuyarinakuyka kipita mana kamachiywan apamukkunata harkashpa nikinkapa hatun hillaymi kan, kaywanmi punchanta llankana.
MG/pv/jc-kichwa
