Kamachiy killkak Rosa Muñoz Mamallakta Tantankuypak shutipi “Rimakkunapak, Runallaktapak hayñikuna Hatuntantaripi” karka, Punasuyupak, Santa Cruz, Bolivia llaktapi karka, chayka 20 Mamallaktamanta kachashkakuna tantarirka.
Kay ista tantaripika, runallaktakunapak hayñikuna mirarichun Rimakkuna llankana hawami ashtawan atinakurka.
Ecuador llaktamanta kamachiy killkak tawka Mamallaktakunapi runakunata chikanyachikta takankapa, runallaktakunapak hayñita ukllankapa achka ñawpay tiyashkatami riksirka.
Kay allpapachapi llaktakunapak, runakunapak kawsayta rikuchun minkashkakunata wiñachina hawapash mushuk yuyayta churarka, paykuna tukuylla llaktayta wallpachun nirka.
Allpapachapak Hatun Tantaripak rimanakuykunapi runakuna arinichun, shimita charinkapa yaykurichun kamachiy killkak chariyararka, paykunapak hayñikunapash sumaychashka kachun nirka. Kayka hatunwillayta charinkapa maymutsurik kuskami kanka nirka.
Chimborazo markamanta kachashka kamachiy killkak, kay kimsa puncha rimanakuypi churashka kamachiykunatami rikurka, sapan Mamallaktakunapi runapak hayñikunawan llankashpa imashina kamachiykuna paktashkatami willarka.
Shinallatak runa hayñikunapak ukupi, paykunallatak, kishpiyrishka, willashka; chay hayñikunata paktachinkapa ñanta mashkana, yachana nirka.
Ña tukuchinkapa, llaktakunapak, runallaktakunapak shutipi shina hatun tantarikunaman shamushpa katinata arinishpa kuntintak rimarka.
RSA/pv/jc-kichwa
