Mamallakta Tantanakuypak pushak Gabriela Rivadeneira kayashka, kariwarmi kamachiy killkakkuna kaya, 10:45 sayllata, 274 tantariman kuchuyanka, Comisión Interamericana de Derechos Humanos harkay tuputa churashka hawa Ecuador Mamallaktapak yuyayta arinishpa yanapanka. Kaypimi Soberanía, Integración, Relaciones Internacionales y Seguridad Integral Minkashka willashkata riksinka, "Convención para el Establecimiento de la Red de Acuicultura de las Américas" arinishkatapash riksinka.
Arinina mushuk yuyay
Kay mushuk yuyayka, 30 puncha, kulla killa, 2014 watapi arnishkata yuyarinka, Interamericana de Derechos Humanos Minkashka, Cléver Jiménez shuktakkunapash mañashkata chaskirka, shinallatak 14 puncha, kulla killa, 2014 watapi kamachiywan katikushkata Ecuador Mamallakta chaypilla sakichun mañarka, kayka Corte Nacional de Justicia, 14 puncha, kulla killa 2014 watapi churashkami kan. Kay llakika hatun manchanay huchami karka, CIDH 14 puncha, kulla killapi churashkata chaypilla sakirichun nishkata, 24 puncha, pawkarkilla, 2014 watapi Ecuador Mamallakta hapishpa chaypilla sakichun mañarka, CIDH imatapash rimankakama nishpami chay mañayka karka.
Shinallatak Mamallakta Tantanakuy, Ministerio de Relaciones Exteriore arinishka kamupak shuknikipi, Ecuador Mamallaktapak yuyayta yanapan, chaypimi Comisión Interamericana de Derechos Humanos harkata churashkawan kimirin, kayta katishpaka Convención de Derechos Humanos y su Estatuto arininata mana charinchu.
Shinallatak, Comisión Interamericana de Derechos Humanos rimashkakuna, paypak ushana, apuna ukupilla saywarishpa tukurichun nishpa willachunmi mushuk yuyayka kan.
Hatuntantari
Kay Convención para el Establecimiento de la Red de Acuicultura de las Américas tantarita churankapa mañashka hawa, Soberanía Minkashka, Fernando Bustamante Ponce kamachiy killkak pushashka Hatun Kamachiy ukupimi kan nirka, Corte Constitucional kamachiy alli nishpami kachashka kan, kay hillayta arinichun Mamallakta Tantanakuyman minkan.
Kay Convención para el Establecimiento de la Red de Acuicultura de las Américas tantarika Ecuador, Argentina, Bolivia, Brasil, Chile, Colombia, Costa Rica, Guatemala, Honduras, Nicaragua, Panamá, Paraguay, Uruguay llaktakuna arinishpa Managua llaktapi shutita churashkami kan, 18 puncha, ayriwa killapi, 2012 watapimi karka, kay tantarimi suyupi unipak yaku tiyachun, paktapakta rakirichun rikunata charin.
EG/pv/jc-kichwa
