Kay Consejos Nacionales para la Igualdad tantanakuyta wiñachik rurarina kamachiyta Llakta pushak allichinaman kachashkataka Mamallakta Tantanakuypi allichishka kipami Kipukamayukman killkarinapak chayanka.
Kay rurakuna kamachiyka runa ayllukunapak, tantanakuykunapak, llakta ayllukunapak, suyu llaktakunapak hayñitami sumaychanka, kayshina paktashpaka tawkapura llakta ayllukunapak hayñitami mamakamachiypi rikuchishkata paktachinka.
Kay kallariy yuyaykunawanmi pichka Consejos para la igualdad tantanakuyta wiñachin: kari warmitarikunapak; kariman warmiman munakta rikunapak; runa ayllukunata rikunapak; tisiku ayllukunata rikunapak; Ista llaktapi purik ayllukunata rikunapak; kay tantanakuykunami pakta kawsayta, llakichiy tiyachunpash kayachinka, mañanka, ukllanka, sumaychankapash, kayshinami tawkapura kawsayta sinchiyachinkakuna.
Kay rurarina kamachiytaka Llakta pushak Rafael Correa apukmi allichinaman shuk killkapi tukuy mañayta churashpa kachashka karka, kay mañashkatami arinishpa hapinapak Derechos Colectivos Minkarishka apukkuna shuk killkata rikuchirkakuna.
Mamallakta Tantanakuypi apukkunaka 90 aripi apushitashkawanmi, allichinapak kachashka 2 niki killkata (insiso segundo), 11, Kunanllapak churashka sukta niki killka, Shuk niki, ishkay niki killka allichinata shinallatak, ishkay niki, chusku niki anchuchina killkata 90 aripi apushitashkawan arinirkakuna, shinallatak Kunallapak churashka Chunka niki killkataka 91 apukkunami aripi apushitarkakuna.
Minkarishkapi rikuchashkata katishpami apukkunaka, Kunallapak churashka Chunka niki killkataka kallaripi churashka killkatallatak sakinapak arinirkakuna, kaypika wakin kitikunapi Consejos Cantonales de la Niñez y Adolescencia tantanakuy manarak wiñarishka kakpika Consejos Cantonales de Protección de Derechos tantanakuyman mushukyakunmi rikuchin, shinallatak kay Código de Organización Territorial, Autonomía y Descentralización kamachiypak 598 niki rikuchishkata paktachunmi mañan.
Kay Consejos Cantonales de Niñez y Adolescencia tantanakuypi llankak ayllukunaka shuk taripayta kutichishka kipami Consejo Cantonal de Protección de Derechos tantanakuypi llankanaman yallinkakuna.
Kay rurarina kamachiypak 8 niki killkapak ishkay niki wachu killkapika rikuchinmi, kay tantanakuykunata pushak kanapakka kari warmitarimanta; kariman warmiman munakmanta; runa ayllukunamanta; tisiku ayllukunamanta; Istapi purik ayllukunamanta aklashka ayllukunami kana kanka.
Mañanmi, kay Consejos Nacionales para la Igualdad tantanakuypak killkakamayuk kanapakka ayllukuna tantanakuypi akllashpa pushak shutichishkami kana kan, pushayka kacharishpa shutichinalla, llukshichinallami kanka, sumak yachay wasipi tukuchishka iñik pankatami charina kan; pushakkunaka Consejos Nacionales para la Igualdad tantanakuypak hayñita, kamayta, riksiriytami pushanka.
Shinallatak kay Fondo de Desarrollo de las Nacionalidades y Pueblos Indígenas del Ecuador tantanakuypak charishkakunaka Corporación Nacional de Finanzas Populares y Solidarias tantanakuymanmi yallinka, kayshinami runa ayllukuna, ayllu llaktakuna, yana runakuna, yunka runakunapash yanaparichun ishkay niki kullki wasipi sinchiyashpa mushukyanka. Shinallatak, kunanpi kay fondo tantanakuypi llankakuk ayllukunaka Corporación Nacional de Finanzas Populares y Solidarias tantanakuymanmi yallinkakuna, shinapash kay llankakkunataka Ministerio de Relaciones Laborales tantanakuymi taripashpa chaninka.
Kay tantanakuypi mana mutsushka llankakkuna tiyakpika Orgánica de Servicio Público kamachiy rikuchishkata paktashpami kay llankayta anchuchinka.
PV
