Mamallakta Tantanakuypak pushak, Gabriela Rivadeneira, Marcela Aguiñaga (Kipapushakntin), Miguel Carvajal, Mauricio Proaño kamachikkuna, yaku kamachiyta yanapashpa Quito llaktapak ñankunata purirka, paykunaka Plaza de la Independencia, Histórico de Quito kuskapi tantarirkakuna.
Kay kamachiyka 15 watakunata runa llaktakuna, yunkallaktakuna, yanallaktakuna mañamushkatami tantachin, kitikunapi kawsak mishukunapak, pukuchinkapa yakuta hapikkunapak mañaytapash hapin "Ecuador llaktamanta 15 hunu runakunami kanchik, tukuy punchakunami yakuta mutsunchik", shinami Miguel Carvajal nirka, paykaSoberanía Alimentaria Minkashkata pushakmi kan.
Miguel Tangamash, Conaie tantarita kallari pushakpash kaypimi kan, Carvajal nirka. Kay kamachiyka yaku shukpaklla makipi kachunmi harkan, runakuna yaku hayñita chariktami yanapan nirka." Chay ushayta hapishpa llapina, ña mana tiyachun, kaparinkapa mana llukshikpi yakuta kichuna, kaparinkapa mana llukshikpi wanachina", ña mana tiyachun nirka.
Carvajal, pay rimashpa sapsi llikata sinchiyachinamanta rimarka, kitipi imashinami kan shinallatakmi pakllapipash rurana kan, markakunapi tiyak yakuparkuy kunakshina kanka. Pichka waranka runakuna yaku kamachiyta arinirichun yanapashpa Mamallakta Tantanakuypi karka, kamachiy killkak nirka. “Kunanka tukuy llaktamanta runakunami kay kamachiyta yanapashpa kaypi kanchik, kayka may mutsurik, wiñaykawsaymi kan, tukuykuna unipak wiñarinkapa yanapan nirka”.
Paypak rimayta tukuchinkapa, kay kamachiyka yakuta shuklla hapichun harkan, Carvajal nirka; tukuykunaman pakta rakinatami kun, mana kamachiywan hapik runakunata wanachin nirka; yakuta mapayachikta wanachina; yaku tumakunata wakaychishpa charinkapa, runakuman shuktak yanapaykunatapash kunmi nishpa tukuchirka.
MG/pv/jc-kichwa
