Kay Facultad de Jurisprudencia y Ciencias Sociales de la Universidad Técnica de Ambato hatun yachana wasi 14 wata wiñarishka kashkamanta Ambato llaktapi Betty Jerez kamachiy killkakta riksinka.
Mamallakta Tantanakuywan yanapay yuyarinakuyta aspinka, hatun yachana shutimi kanka.
Kay tantarika kunan 16:00 sayllapi, Universidad Técnica de Ambato hatun wasipimi kanka.
Kay yuyarita aspishpami kamaywasipura, amawta llankayta pushankapa arininakunka, kaywan Facultad y de la Universidad yachakukkuna tawka llankaykunata pushanka, kimirinakuy, taripay llankaykunami kanka.
Kay Universidad Técnica de Ambato hatun yachanawasika tukuylla llankaykunata ruarashkamantami riksinka, paykuna kay yachanawasimanta llukshishkakunami kan; kay Ecuador llaktapak tukuylla llankayta pushak llipyakuk yachakkuna, imashinami Carrera de Derecho, Betty Jerez Tungurahua markamanta pushakukshina kan, Cecilia Chacón Yachanawasita Kipapushak, Comunicación Social pushakpash, Martha Fidelia Chango, kunan San Pedro de Pelileo kitikipi kunakmi kan, payka Trabajo Social llankayta pushakun.
Kay Facultad de Jurisprudencia ukuta pushak Byron Naranjo rimashkawan tantarika kallarinka; kipamanka Asociación de Estudiantes de la Facultad pushak, Juan Carlos Toapanta rimanka; Patricio Poaquiza yachay ukuta pushak, paykunami llankashkata rikuchinka.
Shinallatak Galo Naranjo López, Universidad Técnica de Ambato Pushak rimanka.
Kay tantaripillatak Comunicación Social, Trabajo Social y Derecho yachaykunapi alli purikukman kamarita kunka.
Ña tukuchinkapa, Hatun Yachana Facultad de Jurisprudencia yachaymanta llukshishka alli yachakkuna rikurishkakunaman kamarita kunka.
RSA/pv/jc-kichwa
