Manabí, Esmeraldas markakunamanta 200 paya yachachikkuna, paya llankakkuna tantarishpa llankashkamanta kullkita mañankapa Mamallakta Tantanakuyman shamurka, Derechos de los Trabajadores y la Seguridad Social minkashkaman shuk wanayta churarka, paykunaka 2008, 2009, 2010 watakunapi llankashkamanta kullkita kuchun mañarka.
Jorge Intriago Olaya, Ecuador llaktamanta Paya Tukuylla Llankakkuna, Esmeraldas, Manabí markakunapi tantarishka, Corte Constitucional Paya Yachachikkunata yanapashpa arinirka, shinapash Contencioso y Administrativo Manabí markamanta kishpiychikkuna mana nirka.
Kay Corte Constitucional, 120-12 CEPCC yupaywan,1367 10EP, 120-12 CEPCC yupaywan, shinapash kay yupaykunawan, Kamu Kipu No 56 yupaywan, 12 puncha, karwa killa, 2013 watapi killkachishka, kamachiy churashkata mana paktachishkata 407-09 yupawan Guayas llaktamanta kishpiychik churashkata allimi kan nirka, shinallatak “interconix” (shuktakkunapash yanapak, kayka shuktak mañaykunawan kimirin).
Kay churashkakunata Ministro de Educación kamaywasi mana paktachishka, chaymantami Corte Constitucional kamaywasipi wanayta paktachichun churashka.
Shinallatak Carmen Lucas, Manabí markamanta paya llankakkunapak shutipi, yachachikkkunapak kawsayta rikuchirka, paymanka 12 waranka kullkita kushka nin, shinapash payka llankaypi payayashkamanta 35 warankatami hapina kani nirka.
Minkashka kipapushak Ángel Rivero, kikinkunapak markakunamanta Quito llaktaman shamushkamanta, pankakunata rikuchishka kipa Minkashka tantari chaskirka, paykunapak hayñita paktachishpa allita rikunka, awllinkapash.
RSA/pv/jc-kichwa
