Kay Derechos de los Trabajadores y la Seguridad Social minkashkaman, Fondo de Cesantía del Magisterio Nacional mushuk kamachiyta rimanakunkapa kallarirka, paykunapak Cesantía kamachiyta mushukyachinatapash riman.
Kunanka yachachikkuna churashka kullkita shukpaklla kullkiyuk wasimi apakun, Banco del Instituto Ecuatoriano de Seguridad Social apachun mañan.
Kay yuyaykunapi Wilmer Santacruz, Red de Maestros tantaripak pushakta chaskirka, paymi markakunapi kak yachachikkunapak shutipi Fondo de Cesantía del Magisterio kullkita, yachachikkuna munashka kamaywasi apachun mañarka, IEESS kamaywasiman tikrachun, mana kashpaka BIESS kamachun nirka, shina rurashpa tawka yanapaykunatami charishun nirka.
Santacruz pushak, markakunamanta yachachikkuna, paykunapak kullkita rikuchishpa, achiklla apanami mutsurin, mana alli makinchishpa apakushkamanta may llakillami taririn nirka.
UNE tantarimi cesantía kullkita wiñachirka nin, kamachiywan yuyarishpami 3% patsakrita cesantía kullkita wiñachinkapa shuk tapuyta rurashpa yallichinata yuyarirkakuna, kullkita yupaykunapi mana rikuchishpa, mana achiklla apakta rikushpami llakirishkakuna kan.
Achka yachachikkunami payayashpa llankaymanta ña anchurishka, paykuman mana kikinpak kashka kullkita kunchu nirka, ashatalla pachata llankachun hapishka yachachikkunapak kullkita, cesantía kullkita wiñachinkpa hapikun, shinapash mana tukuy yanapaykunata ranti hapinchu nirka.
Mamallakta Tantanakuypi llankak Betty Carrillo minkashkata pushak, kay Mamallaktapika 66 kamaywasikunami cesantías kullkita apan, chaymanta kanchis wasikunami tukuylla kuska ukupi kan nirka.
RSA/pv/jc-kichwa
