Kay Derechos de los Trabajadores minkashka, Betty Carrillo pushakwan, Mamallakta Tantanakuymi mushuk llankay kamachiyta killkankapa llaktayukkuna rimashkata uyana, atinakuna kan, kay mushuk kamachiyka Ministerio de Relaciones Laborales churashka Código del Trabajo kamachiymi kan, shinallatak Fenacle, FUT, Parlamento Laboral, shuktakkunapash rikuchishkami kan.
Minkashkapak llankayka Mamallaktapak mutsuyta, kawsayta allichinkapa hayñikuna katichun shuk kamachiyta killkanami kan. Mushuk Código de Trabajo kamchiyta riksichikushpa, 500 yalli pankakunatami charin, pichka waranka runakunata chaskirka, 155 tantarikunatapash chaskirka, ashtawan tantarinamanta, hatarina, mutsuykunata, wata llankay kullkita sapan killa hapina hawa rimankuna.
16 puncha, ayriwa killa, 27 puncha, raymi killa, kay watapi 10 hatun tantarikunata rurashka, shinami Cuenca, Milagro, Ambato, Quito, Manta, Portoviejo, Chone, Riobamba, Machala y Guayaquil kitikunapi yallishka. Llaktayukkunapak, tantarishkakunapak, maltarunakunapak, pakllarunakunapak, llankak wasikunapak, llankakkunapak, shuktakkunapak yuyaykunata tantashka.
Quito llaktapi FUT, Cedocut tantarikunawan rimanakunkapa sakirirka, paykunapak yuyaykunata rikuchichun pachata, sayllata rikurkakuna, shinapash mana chaypichu karka, Frente Unitario de Trabajadores tantaripak pushakkuna llaktaypi rakishka yuyayta rikuchirka, shina mushuk Código de Trabajo kamachiyta takarka.
Kay Derechos de los Trabajadores minkashka, tiyak hayñikunata mana takana nishpa Betty Carrillo rimarka, hayñikunanta sinchiyachinkapa llankakunchik nirka, shuktak kamchiykunata rurakunchik nirka. Kayta 78 watata llankamushka nirka, shinapash mana paktachishpa shamurkachu.
“Llankakkunapak hayñita kamankapa, ñankunata mashkakunchik, shina sinchiyachun, hawaman llukshirichun”, shina kamchiy killkak rimarka.
Tukuykuman riksichishka kipa, paykuna yuyayta kushkata hapishka kipa atinakunata kallarin, chayka: yanapaykuna tiyashkata Guayaquil llaktapi rimarkakuna, chayka llankakkunapak, kariwarmi wawakunapak hayñimi kan. Quito llaktapi yapa pachakuna llankashkamanta kullki hapina hawa rimashka hawa, Betty Carrillo paktachishpa rimarka.
Malta runakunaka llankayman yaykurinkapa imashina llankanata mana yachashka llakita rikuchirka. Makirurakkuna, llankayta shayachishpa paykunapak hayñita mañayka mana punku kanchaman ruranachu nirka, kayka hayñimi kan nirka.
RSA/pv/jc-kichwa
