285 yupay tantaripi Mamallakta Tantanakuy, 96 apuchiwan, mushun yuyarita arinirka, kaywan Estados Unidos de Norteamérica, Canadá, México, Unión Europea llaktakuna purik runakunata ama llakichichun mañarka, chay llaktakunapimi Ecuador llaktamanta runakuna yallita purin, chay runakunata riksichun, runapak hayñikunata sumaychachun, ayllukunatapash yanapachun mañan.
Arinishkata katishpaka, llakita charikman, unkushkaman, katikachashkaman, chukrichishkaman, yuyayta muspachishkaman, shuktak llakita charikman purina pankata yanapashpa kunka.
Cañar markamanta Paulina Padrón kamachiy killkak, kay kamachiyta churak, kay llakita charik purik runakunata chay llaktakuna yanapachun nirka, purina pankata mana charishpa paykunapak aylluman mana kuchuyayta ushan nirka.
Shinallatak Bayron Pacheco kamachiy killkakwan, Ecuador llaktamanta tawka waranka runakuna ista llaktapi kawsakta yanapashpa mushuk kamachiyta arinichun rikuchirka. Istapi kawsak runakunaka ancha unkushkamanta, watashka kashpa, shuktak ancha llakita charishkamanta, paypak kawsayta allichinkapa yuyashpa ista llaktapi kawsankuna.
Estados Unidos llaktaman chayankapa kari warmi wawakuna chaki ñankunata katishpa rin, kamachikkuna hapishpa paypak llaktaman tikrachishpa kachan, chay runakunapak hayñita ukllanami alli kan, kay llakikunata tukuy ista llaktakuna rikunata charin, shuk kishpiyrina ñanta tarichun mañan.
90 Watamanta kay Ecuador llaktapi kullki llakita charishkamanta achka runakuna ista llaktakunaman llukshishka nirka.
Kay tukuri watakunapika achkakunami Ecuador llaktamanta runakuna ista llaktakunaman llukshishkata rimankuna, ayllukunapi llaki tiyashkatapash rimankuna. Paykuna ista llaktamanta kullkita kachashkatapash riman, chay kullkimi Mamallakta kullki llakita charikpi yanaparka nin. Kaytaka tukuy runakunami rimanakurka.
Paymanta, Bayron Pacheco kamachiy killkak Ecuador llakta purik runakunakuwan rantinpak kawsana, yanapana yuyaywan rikurina kashkata rikuchina kan.
Kimsa hunuman chayakuk Ecuador llaktamanta runakunami ista llaktakunapi kawsan: España llaktapi 45% patsakri, Estados Unidos el 28% patsakri; Italia llaktapi 7% patsakri runakuna kawsan. Estados Unidos yallita tikrachishpa kachashka, 10.760 runakunata Ecuador llaktaman kacharka; México llakta 2.729 runakunata, España llakta 2.302 runakunata tikrachirka.
Pay Dora Aguirre, Europa, Asia, Oceanía llaktakunapi kawsak runakunapak shutipi rikurik kayta nirka: Ministerio d Relaciones Exteriores kamaywasi runakunata yanapana yuyarita rikuchun nirka; Ximena Peña purikkunapak kamachiy killkak, wakin llaktakunaka purina pankata purik runakunaman mana kunchu, purik runakunata yanapankapa ñanta charinmi nirka.
RSA/pv/jc-kichwa
