Kay Código Orgánico Monetario y Financiero kamachiyka: tukuylla awllikta, kamakkunata, utkachikkunata, llankakkunata kullki llankayta shayachikta, churashka kullkita harkakta wanachinka, paykunatami kullkita shuwan nishpa, 10 watamanta, 13 watakama kishpiyta kichunka.
Kimsachunka kanchis mushuk churashka kamachiy, kayta churan:
Kay Código Orgánico Integral Penal kamachiypak, 278 nikipi, chuskuniki killkamilkata kaywan rantinchin:"Kay llakimantaka Sistema Financiero Nacional kamaywasipak tukuylla awllikta, kamakkunata, utkachikkunata, llankakkunata kullki llankayta llakichikpi, yanka harkakpika sinchita wanachinka, paykuna kullkiyaykunapi chawpipi shayarishpa llankak kashpami huchata aparinka. Shinallatak rimayta charikkuna, pushakkuna, kamayta kunakkuna, mana alli llankashpaka huchata aparinkami, shina:
a) Sinchita upallalla llakichikpi, kullkita, charishkata, shukpaklla rikurik kullkita hapikpi;
b) Upallalla kullkita hapishpa llakichikpi, kamaywasipak wawa kullkita llankaypi ashayachishpa wakllichikpi;
c) Imashinapash kullkita shayachikpi, yanka kullkita hapikpi, Sistema Financiero Nacional kamaywasikunapak tawkakutin kullki llakita rurakpi, kullki churakkunata, minkashpa kullkita churashkata, kullki pankata, llakichikpi, shuktak yala llakita rurakpipash. Kay llakikunamantami chunka watamanta, chunka kimsa watakama kishpiyta kichunka.
Ñaka nishka killkamilkata katishpa, kay Sistema Financiero Nacional kamaywasipak kullkita pakishpa llakichikpika chunka watamanta, chunka kimsa watakamami kishpiyta kichushpa wanachinka".
Kay Código Orgánico Integral Penal kamachiypak, 557 nikipi, 3 yupaypi rimashka kipaman, "chayta paktachinpak "mirachipay: " Charishkakunata pakishpa kullkiyuk wasikunata kamachiywan shutichishkata llakichikpika, kullkipak ranti hapishkakunami kay kamaywasipak kullki llakita allichina kanka."
PV/jc-kichwa
