Kullkimanta rikuk Minkarishkata pushak, Oswaldo Larriva apukka, kay willachik antaman willachishpaka nirkami, kunan 12:00 pachami, Servicio de Rentas Internas tantanakuyta pushak, Ximena Amoroso runa; Cámara de Industrias y de la Producción tantanakuyta pushak, Richard Martínez runa; shinallatak Cámara de la Construcción tantanakuyta pushak, Henry Yandún Cárdenas runatapash Manu Kullkimanta rimanakunapak chaskinka.
Willarkapashmi, llaktapak tawka kitikunapimi tantanakushun, nirkami. Guayaquil markapika kay chillay 8 punchami 09:00 pacha tutamantami rimanakushun, kaymanka Cámaras de Comercio, de Industrias tantanakuy Guayaquil llaktamanta, Comité Empresarial tantanakuymantapash chayamunkakuna.
Shinallatak 16:00 chishika, Manta kitipimi Cámaras de Comercio, de Industrias tantanakuyta kitipi, markakunapi pushakkuna, shinallatak Cámaras de Comercio, de Industrias tantanakuyta pushakkunapash tantanakunka.
Kayshina tantanakuywanka kamachiy ruranapak yuyaykunata, mañaykunatami chaskikunchik, nirkami, kayshina kamachiywanka Ecuador llakta ayllukuna SRI tantanakuyman chayachina kullkita kipayashkamanta manu kullkipak wawakullkita wanachina kullkitapash ashayachinapakmi mashkakun.
Kay kamachiypika manu kullki chayachina kipayashkamanta wawakullkita, wanachina kullkitaka 100% ashayachinka tukuy kipayashka kullkita chayachikpi kishpichinamanta, kayshina chayachiyka kamachiy arinishka Registro Oficial killkapi willachishkamanta 60 punchakuna ukupimi paktanka.
Shinallatak manu kullki chayachinapi wawakullkita 50% paktay ashayashkawan yanaparina ushankami 61 punchamanta 90 punchakunakama kamachiy llukshishkamanta llankana punchakuna ukupi.
Ñawnpanchishpa willashpaka, kay 9 puncha ayriwa killapi tawka tantanakuykuna, llaktayukkunapash kallaripi riksina killkata ruranapak chayachirkakuna, nirkami, shinallatak kay Orgánica de la Función Legislativa kamachiy pachakunata rikuchishkata paktanapakka 21 puncha, 23 puncha ayriwa killami apukkunaka ishkay niki rimanakuyta charinka nishpami willachirka, shinallatak kamachiy ruranapak punchakunaka 30 puncha ayriwa killami puchukan, nirkami.
JLVN/pv
