Kamachiy killkak Gabriel Rivera, Justicia y Estructura del Estado Minkashkaman yaykurik, mushuk Código Orgánico General de Procesos (Cogep), tiyak paktakay katikuyta 80 manta, pusak katikuyman uraynan uchillayachin nishpa Ankipi willarka; llaki rikurishkata kutsichin, kamachiywan achka katikushkata ñawipurachishpa allichin, kaymi ashtwankarin tiksipi kan; rimashpalla llakita allichina llikata ashtawan paktachin, shinami paktakayta runakunaman chayachin, runakunapak shunkuman paktakay llikata kutintak pushamun.
Kunanpi mana hatun hucha llakikunaka hicharishkami kan, kunan kamachiyka 70 watamantami kan. Chaymanta, kamachiywan katikuy hawalla kachun mushukyachimi kan, mushuk paktakayta kamachiyman kimirishkami kan, kaytaka: shinami Mamakamachiypak 168, 169 nikikunata paktachin.
Kay Consejo de la Judicatura kamaywasika hatun huchakunata kamachiywan katishpa, sapan killami pusak hunu pankata tukuchin, shinami pachamamata achkata llakichin, achka kullkita tukuchin, chay pankakunata wakaychik achka llankayta charin, shuktak llankaykunapash tiyanmi. “Shinami, shuktak llankaywan mushukyachinata munanchik, ashtawan rimashpa, ñawinchishpa llakita anchuchinata munanchik, chaypakmi mushuk sumakruray mutsurin, kishpiychikkunata yachachinami”, nishpa yapa rimarka.
Mushukyachikuna
Kay kamachiy ashalla kullkita tukuchinatami rikuchin nishpa yuyayta sinchiyachirka, utkachikpak shutita mana charinchu. Ashtawanpash, willankapa zirma llikawanmi achkata llankana charin, nishunlla, zirma chaski, skype, twitter, videoconferencias, shuktakkunapash kanka.
Ashtawanpash, mana kullkirayku katikukta charinchikchu, runakuna kamakta, mañashkata tikrachik, mañashkata utkashpa arinikta charinchik. Minkashkakuna mushuk yuyaykunata, rikuykunata, chaskinka punkuta paskashkatami charin, kaypika yachachikkuna, yachanawasikuna, sumakta yachakkuna, kikinlla kamachiywan llankakkuna, llaktayukkuna mushuk yuyay kushkata chaskinka.
MG/eg/jc-kichwa
