Kay Sistema Integrado de Seguridad Ecu 911 kawsaykamayta llaktayukkuna achkata riksichun Verónica Rodríguez Delgado kamachiy killakak llankan, chaywan llakikunata utka anchuchishpa alli kawsayta charishun nin.
Kay mitachiy kamaywasikunawan kimirishpa, tantarishpa llankachun kimirichin, chayka sinkuykuna, tuñikuna, ima llakikuna tiyakpi utkashpa rikuchun kullkikunata charin nin.
Manabí markamanta kamachiy killkak, Ecu 911 kamaywasiwan kimirishpa llankak, kay Eloy Alfaro shulkamanta, Manta llaktamanta, “26 de Junio” yachanawasi, Centro Zonal Integrado de Seguridad wasiman riksinkapa chayan, chayka Portoviejo kitipimi sakirin
Kaypimi yachakukkuna tapurka, tawka pampakunata riksirka, yachana ñan ukupi shuyurka, tullpurkakuna, kay yachaykunawan kari warmi wawakuna kay kamaywasipi yachashka shuktak wawakunaman willachun nirka.
Chapana hillaykunata yachachun punkuta paskarka, antawapak kawsaykamayta apapa wakachinata yacharka, 911 yupaywan utkashpa willanatapash yacharka.
Achkata asirishpa, Jostyn Quijije, kay yachana wasipi yachakuk kushillami kani nirka, llaki tiyanata rikuchik maruta riksinini nirka, kawsaykamay achiktapash riksini nirka. “kay 911 yupaypi llapinata yachani nishpa rikuchirka”.
Vitaliana Zambrano, kay yachana wasipi warmi yachachik, Rodríguez kamachiy killkakta yupaycharka, ashtawankarin kari warmi wawakuna yanaparin nishpami yupaycharka, shina kawsaykamay yachayta charichun nirka.
RSA/pv/jc-kichwa
