Kay Código Orgánico Integral Penal kamachiyka llaktayukkuna tapuypi arinishkatami tantachin, tukuykunata tapuyka 7 puncha, aymuray killa, 2011 watapimi karka.
Kamachiyta sarushpa shuk runalla charik tukushkatami ashtawanka rikuchin, shinallatak llankakkunata Instituto Ecuatoriano de Seguridad Social kamaywasiman mana yaykuchiktapash sinchita wanachina ninmi.
Mushuk huchakuna, wanachiykunapash
Kay kamachiyka ista runa hayñikunawan kimirishkami kan, hatun huchakuna mushuk llakichishkakunapash COIP kamachiywan rikukpika runa wañuchishka, tukuchishka, katikachay, llaktata urmachiy, chukrichi hatun huchami tukun, kay huchakunata rurakka 26 watakama, manan kashpaka 30 watakama kishpiyta kichushkami kan. Tawka runakunata wañuchiktaka 16 watakama, mana kashpaka 19 watakamami wanachinka.
Shinallatak watashkashina, llaktata makashpa llukshichishka; aysashpa chinkachishkapash hatun huchami tukun, kay huchakunata rurak runakunataka 22 watakama, mana kashpaka 26 watakamami kishpiyta kichunka.
Ashtawanpash, runata shuwashpa, kapuhashpa chichuchina, purunyachishka, zirmata katishpa18 watata mana charik warmita yumanarayku tantarikpi, 18 watata mana charikpi yumay llankayta zirmata katishpa kusha nikta, kay llakikunaka karumanta kayashkamanta rikurishkami kan.
Runa llaktakunata achkata chukrichishkamanta hatun huchami kan, mana kamachiywan llakichishkami kan, watashka, paypak hayñita mana ukllashpa, kichushpa llaktakunata surkushka hatun huchami tukun, mana kamachiywan, yanka huchata kichushka; takashka, llaki yumashka, mana munaywan yumayta yachachishka, yanka chichuchichishka, aysashpa chinkachishka tukuy kaykunami hatun hucha kan.
Tsiknina, kuyashkata pakina, kishpiykayta kichkiyachina hatun hucha shinallatak kakta rikushkami kan.
PV/jc-kichwa
