Kay Virgilio Hernández kamachiy killkak, (CAL) tantaripi rimayta charik, shamuk killakunapika, Mamakamachiyta allichina llankaytami ashtawan pushanka.
Samarishka kipa mushuk maymutsurik llankaykuna rikurin, Soberanía Alimentaria allpa Kamachiyta rikunka; Galápagos kamachiyta rikunka, Kikinllatak Karupi Kamachik rikukun; Código de Economía Social del Conocimiento kamachiyta rikunka Mamallakta Tantanakuywan Utkachikwan ishkantion llankanka; Hidrocarburos kamachiyta allichinka, Régimen Económico Minkashkapak makipi kan.
Kay Código de Procesos Mamallaktapak llankaymi kan, chaymanta, Mamallakta Tantanakuyta pushak shuk tantariman kayarka, chaypimi kayta rimanakunka, manarak samayman rishpa rimashkami kan nirka, kaytaka Paktakay Minkashka kallari rimanakuy kachun churarka.
Kay wata kallaripimi Mamallakta llankanata rurarka, wakin kamachiy hillaykunaka ñami Kamu Kipupi killkarishka kan, shuktak kamachiykuna arinishkata charinkakama allichirishpa katinka.
Kay Código Monetario y Financiero kamachiyta Rafael Correa Mamallakta Pushak, kay karwa killa 25 punchkama charinka, chaypimi kay kamachiy hawa rimanka, mana utkashpa, kay hunkami Mamallakta Tantanakuyman chayamunka, Mamallakta Pushak hawatalla rikurka, shinakashpaka Mamallakta Tantanakuy 30 punchata rikunkapa charin , kaytami Orgánica de la Función Legislativa kamachiy riman.
Tawkamanta, Armando Aguilar kamachiy killkak, shuk kamachiykuna Mamallakta Kamachiypi kak fondos previsionales cerrados kamachiymi kan, chay kullkika Banco del Instituto Ecuatoriano de Seguridad Social kullkiyuk wasimi pushashka kanka.
Shinallatak, Mamallakta Tantanakuyka Servicio Público del Sector Eléctrico kamachiyta, Telecomunicaciones kamachiyta arinina kan, yanapaykunatami rikunata charin; Código Laboral kamachiyta, Educación Intercultural kamachiyta, Orgánica de Culturas kamachiyta rikunata charin.
JLVN/pv/jc-kichwa
