Kay Cuenca llaktapi, Fondos Previsionales Cerrados 10 tantarikunawan, Comisión de los Trabajadores tantari, chay Seguridad Social kamachiyta, Banco del Instituto de Seguridad Social (BIESS) kamachiyta mushukyachinkapa rimanakuykunata tukurirka, 31 puncha, sitwa killapi shukniki atirinakuy tiyarka.
Kay katikuyka Quito llaktapimi kallarirka, kipaka Guayaquil, Portoviejo llaktakunapimi tantarirka. Kay llankaykunapimi Mamallaktapi tiyak tawka fondos de cesantía tantarikunapak yuyaykunata hapirkanchik, kay yuyaykunawan willayta killkashpa ishkayniki atinakuyta charinkapa mushuk yuyaykunata hapina kan, kayta Minkashkakunami, 09 puncha, kuski killapi rikuchinka.
Kay Trabajadores Minkashkata Pushak, Betty Carrillo, kay Mamallaktapika 192 waranka runakunami cesantía kullkita charin nishpa rikuchirka. Paykunamanta, 140 mil yachachikkunami Cesantía del Magisterio Ecuatoriano (FCME) kullkita charin. Mamakamachiypak 372 nikita katishpaka, kay Instituto Ecuatoriano de Seguridad Social (IESS) kamaywasimi kay kullkitaka pushanata charin nishpa achiklla rikuchirka. “Shinapash kay kullkita mana hatun kullkiwan tantashishpa, shikan kamachunmi arinirkakuna, shina kullki ama chinkarichu, alli tiyachun”, shinami Tungurahua markamanta kanachiy killkak nirka.
Paymanta, Yachachik Llikamanta Francisco Tapia,William Espinosa de Cañar, Loja markakunamanta, kay mushuk kamachiy allimi kan nishpa yanaparka, chaymanta, BIESS kullkiyuk wasi kay kullkita achiklla, mana pakashpalla kamachun punkuta paskarka.
Kay ñanpi, Soledad Realpe, Fondo Previsional Cerrado Pushak, Napo markapak Hatun Pushak, mushuk kamachiyta yanaparka, BIESS kullkiyuk wasimi kullkita apankapa ushayta charin nirka
chay markamantaka 160 waranka kullkitami charin. “BIESS kullkiyuk wasi alli llankakta rikunchik, chaypi llankak runakkunata alli kamanka, alli apayta rikucvhinka ” Realpe kamachik, minkashka paypak llankayta alli katikushkata rikuchirka, chikan chikan llaktakunaman llukshishpa llankakkunapak rimayta uyashkamanta yupaycharka. “Achiklla rikuchi, mañaymashkaymi kan” nishpa rikuchirka.
Shinallatak, Minkashka kay Fondos de la Empresa Eléctrica Centro – Sur, Universidad de Cuenca, Universidad Nacional de Loja, Ministerio de Finanzas kamaywasikuna rimashkata uyarka. Shuktak mañayta rurashka kipa kay Fondo para Seguro de Depósito wiñarichun mañarka, chay kullki churakkunapak kullkita kamachun nirka
GP/jc-kichwa
