Hampikuna hawa Minkashka, Carlos Velasco Enríquez, Mamakamachiyta killkashka kipa, kay Código Orgánico de Salud kamachiyta killkanaka tiksi ruraymi kan nirka, kaypimi maymutsurik nipakuna tiyan nirka, tukuykunapak kanka, shuktak Mamallaktakuna llikarishpa llankanka, Ecuador llaktapi kawsak runakuna hampikunaman yaykurinka.
Chay Hospital de Santo Domingo de los Tsáchilas hampina wasipimi kay Código kamachiyta rikuchirka, kay kamachiyka tukuy tiyashka, kunan tiyak paya kamachiykunatami tantachinka, paya kamachiykunaka 1914, 1915, 1916 watakunatami tiyamushka, sapan unkuypakmi shuk kamachiyta rurashka, kunan rikukpika achkakami tiyankuna.
Kay Código kamachiy shuk maymutsurik nipata charinka, shukpaklla hampiwan kimirinka, chaypakka shukpaklla hampikunaka nikishkami kanka. Kunanka, Quito llaktapi cesárea hampirinkapa, ishkay waranka, mana kashpaka ishkay waranka pichka patsak kullkimi kan, tukuylla hampirina wasipika 70, 80 dólar kullkimi kan.
“Shukpaklla kachun mana nikunchikchu, shukpaklla kullkita kichuna mana nikunchikchu, kay Código kamachiyka ama yalli kullki kachunmi nikinka”, Carlos Velasco kamachiy killkak shina nirka, mayhan unkukpash, imashina kashpapash, alli yanapaykunatami charinka nirka.
Kamachiy killkakka, ashtawan, Ecuador llaktapak kamachiykunataka mana Mamallakta Tantanakuypak wasipilla rurana kanchu, llaktayukkunawanmi rurana, llaktakunapimi killkana nirka. ChaymantaTsáchila markapi llankanchik, maypimi yachakkunapak hampina yuyaykuna, ñawpa hampinata yachaykunapash may mutsurik yuyaykunatami kun.
Velasco kamachiy killkak, kapak killakama shukniki atinakuyta ña rurarinka, shamuk watapi ñami mushuk kamachiyta charishun, hampirina mutsuykunapi Ecuador llaktapi kawsak tukuy runakunata ukllanka nirka.
RSA/eg/jc-kichwa
