Kay Derechos de los Trabajadores y la Seguridad Social Minkashka, kay 18 puncha, wayru killapi mishkita surkuk llankaywasipi, “Aztra llankaywasipi” 1977 watapi ñakarishpa wañushkata yuiyarinarayku yuyarishpa, kari warmi mana shaykurishpa llankakkuna kakpi awkichinkapam yuyarirka.
Kay yuyarikunata charishpa, La Troncal llaktapi, Cañar markapi tantarinka, kaya chilla, 22 puncha, wayru killa, 10:0 sayllamantami kallarinka.
Ashtawanakarin AZTRA llankakwasipi llankakkuna wañushkata kutin yuyarishpami Mamallaktapak hunta tantaripi rikuchinka, chayka Troncal llaktapi, Cañar markapi, 18 puncha, wayru killapi, 1977 watapi llankakkuna miyuy samaywan, kaspiwan, illapakunawan warmikunata, karikunata, wawakunata wañuchirka, ishkay waranka runakuna sinchita shayarirkakuna, paykunami llankanawasipi chay pachaka tantarishka taririrka.
Chaypa kamachikkuna kachashka chapakkuna waktaymanta patsak kari warmi runakuna wañurka, shinami chay pacha wiñaykwasaypi riman, mashna yuypay rukunakuna wañushkatapash kunankama mana yacharichun, achka wañushka runakunatami yaku larkaman shitarkakuna, achka chukririshkakuna yakuwan sipirishpa wañurka, wakinkunaka timpukuk hatun mankaman shitashka karka. Shinami runa hayñikunatapakirkakuna.
Yuyari
Yuyarishka pankapi shinami riman, kayshina hayñita pakishka ama kunkarishka kachunmi mashkan, imashina kashkata mana llullashpalla hayñita paktachichun, paktakayta rurachun, llakita allichichunpash. Ashtawanpash llaktayukkuna rikurayachun, Participación Ciudadana kamachiyta paktachichun, rikuyta pushachun, taripashkakunata chapachun.
RSA/pv/jc-kichwa
